Halyqaralyq áýesqoi boks federatsiiasy (AIBA) Riodaǵy Olimpiada oiyndarynan shettetilgen tóreshilerdiń esimin jariialady, - dep habarlaidy "Chempionat".
Shettetilgen tóreshilerdiń qatarynda qazaqstandyq Raqymjan Rysbaev ta bar. Sondai-aq, Mik Beisi (Ulybritaniia), Heira Sidi Iakýb (Aljir), Maikl Gallaher (Irlandiia), Mariýsh Gornii (Polsha), Herardo Poggi (Argentina) men Vladislav Malyshev (Resei) Olimpiadadan shettetildi.
Aita keteiik, shettetilgen úsh qazy Vasilii Levit pen reseilik Evgenii Tishenkonyń finaldaǵy jekpe-jeginde bolǵan edi. Onda Poggi ringte tóreshi bolsa, Iakýb pen Gallaher qazy retinde qyzmet etti. Jeńisti Tishenkoǵa berý týraly sheshimdi jakúierler men mamandar synǵa alǵan bolatyn.
Sonymen qatar, Iakýb Vladimir Nikitin men Maikl Konlannyń daýly jekpe-jeginde tóreshi bolǵan. Onda da jeńisti reseilik azamatqa berdi. Sol kezde irlandiialyq boksshy tóreshige ortańǵy saýsaǵyn kórsetip, AIBA uiymyn qanshalyqty sybailasqan paraqorlar ekenin aitty. "Olar - joly bolmaǵan jeksuryndar. Áýesqoi bokstyń saýdasy bitken. Men endi AIBA atynan esh ýaqytta shyqpaimyn. Men munda altyn alý úshin keldim, biraq meniń armanymnyń kúl-talqanyn shyǵardy. Men joly bolmaǵan adam emespin, men jeńimpazbyn. Búgingi jekpe-jek osy uiymnyń qanshalyqty sybailasqan paraqorlar ekenin kórsetti", - degen edi Konlan.
Aita keteiik, jekpe-jektiń nátijeleri qaita qaralmaityn boldy. Olimpiada oiyndarynda eshkimniń apelliatsiiaǵa berýge quqyǵy joq eken.
