«سوۆەستكيي سپورت» پورتالىنىڭ جۋرناليسٸ دميتريي سپيريننٸڭ ويىنشا, ريو-وليمپياداسى اياسىنداعى لەۆيت-تيششەنكو فينالدىق جەكپە-جەگٸ بويىنشا شىعارىلعان شەشٸم AIBA-نىڭ مەدال ٷلەستٸرۋ ساياساتىن اشىق كٶرسەتتٸ. وسى جەكپە-جەكتەن ٶزبەكستان قۇراماسى پايدا كٶردٸ, دەپ حابارلايدى Baq.kz تٸلشٸسٸ.
«ول جەكپە-جەكتٸ نەشە رەت كٶرسەك تە, قاي قىرىنان قاراساق تا, ۆاسيليي لەۆيتتٸڭ باسىمدىلىعى ايقىن بايقالادى. ول التىن مەدالعا لايىقتى ٶنەر كٶرسەتتٸ. مەنٸڭشە, بۇل جەردە تٶرەشٸلٸكتٸڭ ولقىلىقتارى جايىندا ەمەس, AIBA-نىڭ بەلگٸلٸ بٸر ساياساتى تۋرالى ايتقانىمىز جٶن. بۇل دەگەنٸمٸز, رەسەي ٶزٸنە «تيەسٸلٸ» التىنىن الدى. الايدا ول شەشٸمنٸڭ پايداسى ٶزبەكستان كومانداسىنا تيدٸ. سەبەبٸ بٸزدٸڭ بوكسشىلارىمىز – الويان مەن دۋنايتسەۆ تەڭ دەرەجەدە ٶنەر كٶرسەتسە دە, جەڭٸستٸ ٶزبەك بوكسشىلارىنا بەردٸ. ول جاقتا رەسەي قۇراماسىنىڭ جوسپارى ورىندالدى, بٸر التىن, بٸر كٷمٸس پەن ەكٸ قولا, وسىمەن ۇپايى تٷگەل دەپ شەشكەن شىعار», - دەيدٸ د.سپيرين.
ايتا كەتەيٸك, فينالدىق جەكپە-جەكتە جەرلەسٸمٸز ۆاسيليي لەۆيتتٸڭ باسىمدىعى بايقالسا دا, تٶرەشٸلەر ٶز شەشٸمٸن رەسەيلٸك تيششەنكونىڭ پايداسىنا شىعاردى. وسىدان كەيٸن زالدا وتىرعان حالىق ىسقىرىپ, ٶز نارازىلىعىن بٸلدٸردٸ.
