كوروناۆيرۋس پاندەميياسى كەزٸندە ساپالى ەرٸ تەكسەرٸلگەن اقپاراتقا قاجەتتٸلٸك تۋىپ, بۇل باق رەيتينگٸن كٶتەرۋگە ىقپال ەتتٸ. بۇل تۋرالى «QAZAQSTAN» رترك» اق باسقارما تٶرايىمى لەززات تانىسباي وتاندىق باق سالاسىن دامىتۋ مەسەلەلەرٸنە ارنالعان دٶڭگەلەك ٷستەل جيىنىندا ايتتى, دەپ حابارلايدى قازاقپارات.
لەززات تانىسباي تەلەۆيزييا ماماندارى عالامتوردى ٶز ٶنٸمدەرٸمٸزدٸ كەڭ اۋديتوريياعا جەتكٸزۋدٸڭ قوسىمشا قۇرالى رەتٸندە قاراستىرىپ وتىرعانىن اتاپ ٶتتٸ.
«عالامتوردىڭ دامۋىمەن بٸرگە تەلەٶنٸمگە قول جەتكٸزۋدٸڭ مٷمكٸندٸكتەرٸ ارتتى. مەسەلەن, Youtube ينتەرنەت-پلاتفورماسىندا ەڭ كٶپ قارالىم جينايتىن تەلەۆيزييالىق جوبالار ەكەنٸن ايتا كەتكەن جٶن. سوڭعى 90 كٷندە Youtube-تاعى تانىمال جوبالاردىڭ ٷزدٸك جيىرمالىعىن وتاندىق تەلەارنالاردىڭ كونتەنتٸ قۇراپ وتىر. «QAZAQSTAN» ارنالارىن الاتىن بولساق, ينتەرنەتتەگٸ اۋديتورييامىزدىڭ سانى 6 ملن-عا جۋىقتاپ قالدى. Youtube جازىلۋشىلار سانى – 4,5 ملن. ياعني, بۇل – كٷندەلٸكتٸ دەستٷرلٸ تەلەاۋديتورييادان بٶلەك, بٸزدٸڭ ٶنٸمدەرٸمٸزدٸ قوسىمشا تۇتىناتىن كٶرەرمەن», – دەدٸ لەززات تانىسباي.
TNSGallupMedia كومپانيياسىنىڭ دەرەكتەرٸ بويىنشا پاندەمييا كەزٸندە اۋديتورييا ناقتى اقپاراتتى تەلەارنا جاڭالىقتارىنان ٸزدەگەن. رەسپوندەنتتەردٸڭ 52%-ى دەستٷرلٸ مەديانى, ونىڭ ٸشٸندە تەلەۆيزييانى ەڭ سەنٸمدٸ اقپارات كٶزٸ رەتٸندە تاڭداعان. اتالعان كەزەڭدە تەلەديدار كٶرۋ بەلسەندٸلٸگٸ قازاقستاندا 22% -عا ارتتى.
سونىمەن قاتار, تەلەارنالاردا كەيٸنگٸ كەزدە تٸكەلەي ەفير فورماتىنا باسىمدىق بەرٸلٸپ جاتقانى سٶز بولدى.
