رەسەيلٸك ساياساتكەرلەر قازاقستاننىڭ اۋماقتىق تۇتاستىعى تۋرالى ارانداتۋشىلىق مەلٸمدەمەلەر جاساي وتىرىپ, ٶزدەرٸنە نازار اۋدارتۋعا تىرىسىپ جاتىر. بۇل تۋرالى ەلدٸڭ سٸم باسشىسى سەرگەي لاۆروۆ مەلٸمدەدٸ, دەپ حابارلايدى "ۇلت اقپارات" «حابار 24» تەلەارناسىنا سٸلتەمە جاساپ.
«رەسەيدٸڭ قازاقستانعا قاتىستى ساياساتىن ايقىندايتىندار قاتارىنان مۇنداي سٶزدەر ايتىلمادى جەنە بولاشاقتا دا ايتىلمايدى» , - دەدٸ لاۆروۆ «حابار» اگەنتتٸگٸ باسقارما تٶراعاسى ەرلان بەكحوجينگە بەرگەن ەكسكليۋزيۆتٸ سۇحباتىندا.
«ساياساتكەرلەر ٶز مانسابىن ەرقالاي قۇرادى. داۋلى سٶز قۋاتىن ساياساتكەرلەر دە جوق ەمەس. داۋلى بولىپ كٶرٸنەتٸن مەسەلەلەردٸ ورتاعا سالعاندى ۇناتاتىن ساياساتكەرلەر دە بار. ولار ٶزدەرٸنە نازار اۋدارتۋدى ماقسات ەتەدٸ. بٸزدە قالاي ايتاتىنىن بٸلەسٸز بە: "جاقسى ما, جامان با ماڭىزدى ەمەس, ەڭ باستىسى - سەن تۋرالى گازەتتەردە جازسا بولعانى". مٷمكٸن وسىدان شىعار. قازاقستانعا قاتىستى رەسەي فەدەراتسيياسىنىڭ ساياساتىن ايقىندايتىن تۇلعالار ەكٸ ەل اراسىنداعى كەلٸسٸمدەردٸڭ قايسىبٸرٸنە شٷبە كەلتٸرەتٸن ەشقانداي سٶز ايتپادى جەنە ايتپايدى دا. اتالعان كەلٸسٸمدەر بٸر-بٸرٸمٸزدٸڭ ەگەمەندٸگٸمٸزدٸ, اۋماقتىق تۇتاستىعىمىزدى, ساياسي تەۋەلسٸزدٸگٸمٸزدٸ سىيلاۋعا نەگٸزدەلگەن. بٸز ەكٸ ەل باسشىلارىمەن كەلٸسٸلٸپ, قول قويىلعان, پارلامەنت رۇقسات ەتكەن, زاڭ, حالىقارالىق قۇقىقتىڭ بٶلٸگٸ سانالاتىن قۇجاتتار نەگٸزٸندە وداقتاستىقتى دامىتۋدامىز. ساياساتكەرلەردٸڭ, جاڭا پارلامەنتارييلەردٸڭ كٷمەندٸ, كەيدە ارانداتۋشى سٶزدەرٸ دەموكراتييالىق ٶمٸردٸڭ اينالىپ ٶتە المايتىن بٶلٸگٸ دەپ ويلايمىن. بٸزدٸڭ حالقىمىزدىڭ قارىم-قاتىناسىنا سىزات تٷسٸرەتٸن وسىنداي سٶزدەر پٸكٸرتالاس كلۋبتارىنان اسپاسا بولعانى. بٸزدٸڭ قارىم-قاتىناسىمىزدىڭ حالىقارالىق-قۇقىقتىق بازاسىن بۇزاتىن مۇنداي سٶزدەردٸڭ ەشقاشان شىنايى ساياسات ماڭىندا تۇرمايتىنىنا كەپٸل بولا الامىن», - دەپ قورىتتى ساياساتكەر.
بۇعان دەيٸن رەسەي مەملەكەتتٸك دۋماسىنىڭ بٸلٸم جەنە عىلىم كوميتەتٸنٸڭ تٶراعاسى ۆياچەسلاۆ نيكونوۆ "بٸرٸنشٸ ارناداعى" "بولشايا يگرا" باعدارلاماسىندا "قازاقستان بولعان جوق, سولتٷستٸك قازاقستان مٷلدە قونىستانباعان. ولار (قازاقتار. - ەسكەرت.) ەلدەقايدا وڭتٷستٸكتە بولعان. جەنە, شىن مەنٸندە, قازاقستان اۋماعى - بۇل رەسەي مەن كەڭەس وداعىنىڭ ٷلكەن سىيى" دەپ مەلٸمدەگەن. قازاقستاندا رەسەيلٸك دەپۋتاتتىڭ مەلٸمدەمەسٸ ٷلكەن قوعامدىق رەزونانس تۋدىردى.
نيكونوۆتىڭ ٶزٸ داۋلى سٶزٸنە تٷسٸنٸكتەمە بەردٸ. "قازاقستان رەسپۋبليكاسىنىڭ شەكاراسىنا اينالعان قازاق كسر شەكارالارىن ايقىنداۋ كەزٸندە قازاقستاننىڭ مٷددەلەرٸ تولىق كٶلەمدە ساقتالدى دەپ ويلايمىن. بۇل تۋرالى "بولشايا يگرا" باعدارلاماسىندا وسىنى ايتپاق بولدىم. وسى مٷمكٸندٸكتٸ پايدالانىپ, باۋىرلاس قازاقستان حالقىنا دەگەن ەڭ جىلى سەزٸمدەرٸمدٸ تاعى دا بٸلدٸرەمٸن", - دەپ جازدى نيكونوۆ تەلەگرام-كانالىندا.
