ش.شاياحمەتوۆ اتىنداعى تٸلدەردٸ دامىتۋدىڭ رەسپۋبليكالىق ٷيلەستٸرۋ-ەدٸستەمەلٸك ورتالىعىنىڭ ديرەكتورى «جاڭا ەلٸپبي - رۋحاني جاڭعىرۋ باستاۋى» اتتى ساراپشىلار فورۋمىندا بەكٸتٸلگەن ەلٸپبيگە قاتىستى پٸكٸرٸن بٸلدٸردٸ, دەپ حابارلايدى قازاقپارات.
«ەلٸپبي - ول تەۋەلسٸزدٸك العالى بەرٸ كٶتەرٸلگەن مەسەلە.تامىزدىڭ اياعىندا ەلٸپبي تۋراسىندا جۇمىستار اياقتالىپ, ٷش نۇسقا قالدى. ٷش نۇسقادان تاڭدالىپ, الدىمەن پارلامەنتكە ديگرافتىق نۇسقا ۇسىنىلدى. ول نۇسقاعا بايلانىستى كٶپتەگەن سۇراقتار بولدى. ودان كەيٸنگٸ اپوستروف نۇسقاسى... جالپى ايتقان كەزدە قوعامدا «ديگراف نۇسقاسىنان كەيٸن ٸلە-شالا بٸر-ەكٸ ايدان كەيٸن ەلٸپبيدٸڭ اپوستروف نۇسقاسى دايىن بولا قالدى. ەلٸپبي سوعان بايلانىستى شالا بولدى» دەگەن بٸر پٸكٸر بار. ول پٸكٸر ورىنسىز», - دەيدٸ ەربول تٸلەشوۆ.
ورتالىق ديرەكتورىنىڭ ايتۋىنشا, لاتىن ەلٸپبيٸن جاساۋدىڭ ٷش ەدٸسٸ بار. بٸرٸنشٸسٸ, ديگرافتىق, ەكٸنشٸسٸ - اپوستروفتىق, ٷشٸنشٸسٸ - ديالەكتيكالىق تۇرعىدا جاساقتاۋ. بۇل ٷشەۋٸ - 2000 جىلداردىڭ باسىنان قازاقستاندا ايتىلىپ كەلە جاتقان نۇسقالار.
«لاتىن ەلٸپبيٸنٸڭ قازٸرگٸ ۋاقىتتا حالىقارالىق دەڭگەيدە ورنىققان تەجٸريبەلەرٸ بار. بٸز بٸرٸنشٸ بولىپ قولعا الىپ وتىرعان جوقپىز. ەلەمدە 4 ملرد 200 ملن ادام وسى لاتىن ەلٸپبيٸن قولدانادى. بٷل ەلەم حالقىنىڭ 60 پايىزعا جۋىعى. وسىعان كەلگەندە ەلٸپبيدٸڭ ٷش ٷلگٸسٸ دە جۇمىس توبىنىڭ ەرەكشە نازارىندا بولدى», - دەيدٸ ول.
ەربول تٸلەشوۆ سونىمەن قاتار لاتىن ەلٸپبيٸنە قاتىستى اپوستروف نۇسقاسىنا نەلٸكتەن دەن قويىلعانى تۋرالى ايتىپ بەردٸ.
«مەنٸڭشە, ول (اپوستروفتىق نۇسقا - اۆت.) ديگرافتىق نۇسقاعا قاراعاندا جازۋعا تيٸمدٸ. ەندٸگٸ ٷلكەن مەسەلە - ەڭ الدىمەن, بەسەكەگە قابٸلەتتەلٸگٸمٸز, قوعامدا پراگماتيكالىق سانانىڭ ورنىعۋى, بٸلٸمنٸڭ سالتانات قۇرۋى مەن ەڭ باستىسى, ۇلتتىق بٸرەگەيلٸكتٸ ساقتاۋ دەپ بٸلۋٸمٸز كەرەك. وسى تۇرعىدان كەلگەندە دٷنيەجٷزٸ قازاقتارىنىڭ بەسٸنشٸ قۇرىلتايىندا جالپى ەلەمدەگٸ 16 ميلليون قازاقتىڭ ورتاق ەلٸپبيٸ تۋرالى ايتىلدى. ياعني, شەتەلدەگٸ 5 ميلليون قازاق ٶز تٸلٸندە جازا دا, وقي دا الادى. ول دا مىقتاپ ەسكەرٸلدٸ. بٸزدٸڭ قوعامدا لاتىن ەلٸپبيٸنە قاتىستى كٶزقاراس قالىپتاسقان. ەندٸ قولدانىسى دا بٸرتە-بٸرتە قالىپتاسادى دەپ ويلايمىز. اپوستروفتىق نۇسقادا تٷسٸنبەيتٸندەي بەلگٸسٸز تاڭبا جوق. وسى 32 ەرٸپتەن تۇراتىن ەلٸپبيدٸڭ 19 تاڭباسى كلاسسيكالىق لاتىن ەلٸپبيٸنە سەيكەس كەلەدٸ. سوندا ەرەكشەلەنٸپ تۇرعان 13 تاڭبا بار. ول دا لاتىننىڭ ٸشٸنەن شىعىپ تۇر. ٷيرەنۋ قيىن دەپ ويلامايمىن», - دەيدٸ ەربول تٸلەشوۆ.
