تسەلينوگراد اۋدانى وتاۋتٷسكەن اۋىلىنىڭ 43 جاستاعى تۇرعىنى قىزىن قۇتقارماقشى بولعان كەزدە ٶزٸ سۋعا باتىپ كەتتٸ, دەپ حابارلايدى "ۇلت اقپارات".
اقمولا وبلىسى تجد باسپاسٶز قىزمەتٸنٸڭ مەلٸمەتٸنشە, جازاتايىم وقيعا ماۋسىمنىڭ 8-ٸندە ساعات 13:00-دە تسەلينوگراد اۋدانى وتاۋتٷسكەن اۋىلىنىڭ ماڭىندا نۇرا ٶزەنٸندە بالىق اۋلاۋ كەزٸندە ورىن العان.
«ٶزەن جاعاسىندا جٷرگەندە قىزى اناسىنان رۇقسات سۇراپ, سۋعا شومىلماقشى بولادى. الايدا, سۋدىڭ اعىسى قىزدى الىپ كەتەدٸ. مۇنى كٶرگەن اناسى قىزىن قۇتقارۋعا ۇمتىلعان, بٸراق قاتتى اعىن سالدارىنان 43 جاستاعى ەيەلدٸڭ ٶزٸ سۋعا باتىپ كەتتٸ», - دەدٸ ۆەدومستۆودان.
ال, جاعاداعى ٶسٸمدٸكتٸڭ بۇتاعىنا جارماسقان ون جاسار قىز جانۇشىرىپ كٶمەك سۇراعان. ونى ەستٸگەن وتاۋتٷسكەن اۋىلىنىڭ 65 جاستاعى تۇرعىنى پاۆەل فەدورەنكو قىزدى قۇتقارىپ قالدى.
«وقيعا ورنىندا نۇر-سۇلتان قالاسى تجد جەدەل-قۇتقارۋ جاساعىنىڭ قۇتقارۋشىلارى جۇمىس ٸستەدٸ, ولار كەشكٸ ساعات 19:30 شاماسىندا ەيەلدٸڭ دەنەسٸن تاپتى», - دەپ تولىقتىردى ۆەدومستۆودان.
