قىزىلوردادا كٷرٸشتٸڭ جاڭا سورتى ٶندٸرٸسكە ەنگٸزٸلدٸ. سىر ديقاندارى بيىل «سىر سۇلۋى» سورتىنا العاش رەت وراق سالدى, دەپ حابارلايدى "ۇلت اقپارات".
تۇڭعىش پرەزيدەنت - ەلباسى نۇرسۇلتان نازارباەۆتىڭ 2018 جىلعى 5 قازانداعى قازاقستان حالقىنا جولداۋىندا اگروٶنەركەسٸپ كەشەنٸنٸڭ ەلەۋەتٸن تولىق ٸسكە اسىرۋ قاجەتتٸگٸ اتاپ كٶرسەتٸلگەن.
اتالمىش سورتتى قىزىلوردا قالاسىنداعى ى. جاقاەۆ اتىنداعى قازاق كٷرٸش عىلىمي-زەرتتەۋ ينستيتۋتىنىڭ عالىمدارى شىعارعان. جاڭا سورت بيىل تۇڭعىش رەت ٶندٸرٸسكە ەنگٸزٸلدٸ. «سىر سۇلۋى» جالاعاش اۋدانىنداعى «تاڭ لتد» شارۋاشىلىعىنداعى 8 گەكتار القاپقا ەگٸلدٸ.
ينستيتۋت عالىمدارى بۇل سورتتىڭ تۇزدىلىققا جەنە تٶمەنگٸ تەمپەراتۋراعا تٶزٸمدٸلٸگٸن ايتادى. كونكۋرستىق سورت سىناعى بارىسىندا ونىڭ ٶنٸمدٸلٸگٸ گەكتارىنا 70-80 تسەنتنەردٸ شامالادى. نەتيجەسٸندە ستاندارتتى دەڭگەيدەن 4-7 گەكتارعا دەيٸن ارتىق ٶنٸم بەردٸ. ەڭ جوعارى ٶنٸم تٷپتەنۋ فازاسىنىڭ باسىندا جەنە اياعىندا ازوت تىڭايتقىشىمەن ٷستەپ قورەكتەندٸرگەندە الىندى. عالىمدار «سىر سۇلۋى» سورتىن ەلٸمٸزدٸڭ كٷرٸش ٶسٸرەتٸن بارلىق ايماعىندا ٶندٸرٸسكە ەنگٸزۋگە بولاتىنىن ايتادى. بۇل سورت اۋا رايىنىڭ قولايسىز جاعدايى مەن توپىراق ەرەكشەلٸگٸنە دە تٶزٸمدٸ. سوندىقتان ونى ٶڭٸردٸڭ بارلىق كٷرٸش شارۋاشىلىعىندا ٶسٸرۋگە بولادى. سول ارقىلى تۇراقتى ٶنٸم الۋعا بارلىق مٷمكٸندٸك بار. ٶنٸم ساپاسى دا كٶڭٸلدەن شىعادى.
«بيىل كٷرٸشتٸڭ «سىر سۇلۋى», «ەيگەرٸم» سورتتارىن ەگۋدٸ باستاپ كەتتٸك. بۇل سورتتاردىڭ ٶزگە كٷرٸش جەنە رەسەيلٸك سورتتارىنان كٶپتەگەن ارتىقشىلىعى بار. الداعى جىلى سىر ٶڭٸرٸندە ەگٸلەتٸن كٷرٸش القابىنىڭ 20-25 پايىزىن وتاندىق جاڭا سورتتارمەن قامتاماسىز ەتەمٸز. 2021 جىلعا دەيٸن ولاردىڭ اۋقىمىن 50-55 پايىزعا دەيٸن ارتتىرۋ مەجەلەنٸپ وتىر», - دەدٸ ى. جاقاەۆ اتىنداعى قازاق كٷرٸش عىلىمي-زەرتتەۋ ينستيتۋتى باس ديرەكتورىنىڭ مٸندەتٸن اتقارۋشى ەسەت توقتامىسوۆ.
سىر ٶڭٸرٸندە سوڭعى رەت جەرگٸلٸكتٸ كٷرٸش سورتى 1983 جىلى ٶندٸرٸسكە ەنگٸزٸلگەن. سول كەزەڭدە قىزىلوردالىق ديقاندار «مارجان» سورتىنان ەگٸپ, ودان مول ٶنٸمگە نەگٸز قالاعان ەدٸ.
