فوتو: instagram.com/nemolchi.kz
قىزىلوردادا كٷيەۋٸنەن تاياق جەپ قازا تاپقان ٷش بالانىڭ اناسىنىڭ تۋىستارى قىلمىسكەرگە جازانى قاتايتۋدى, سونداي-اق قىلمىستى ۋاقىتىندا توقتاتپاعان پوليتسەيلەرگە قاتىستى قىلمىستىق ٸس قوزعاۋدى تالاپ ەتٸپ وتىر, - دەپ حابارلايدى Tengrinews.kz اگەنتتٸگٸ.
بۇل تۋرالى nemolchi.kz قوعامدىق قورى Instagram-دا جازبا جارييالادى. قوردىڭ جازۋىنشا, قىلمىس قىزىلوردا قالاسىنىڭ ورتالىعىنداعى كافە مەن پوليتسييا بٶلٸمشەسٸ ورنالاسقان ٶسەرباەۆ كٶشەسٸندە بولعان. ول كٶشەدە بٸرنەشە دٷكەن مەن تەۋلٸك بويى جۇمىس ٸستەيتٸن اگەنتتٸكتەر ورنالاسقان. سوندىقتان بۇل قىلمىستى كٶپ ادامدار كٶرگەن, بٸراق توقتاتپاعان.
"اجاردىڭ دەنەسٸندە كٶپتەگەن كٶگەرگەن, كەسٸلگەن جەرلەرٸ بولدى. قابىرعاسىنىڭ سىنعانى دا انىقتالدى. ونىڭ دەنەسٸن اسفالت بويىمەن سٷيرەگەن بولۋى كەرەك, ٷستٸ, شاشى بالشىق بولدى. ال ٶزدەرٸ تۇراتىن بٶلمەنٸڭ ەدەنٸ قانعا بويالىپ جاتتى. وعان نە ٸستەگەنٸن ويلاۋدىڭ ٶزٸ قورقىنىشتى. اجار اسا قاتىگەزدٸكپەن ٶلتٸرٸلگەندٸكتەن, 99-باپتىڭ 1-بٶلٸگٸن 99-باپتىڭ 2-بٶلٸگٸنٸڭ 5-تارماعىنا ٶزگەرتۋدٸ تالاپ ەتەمٸز. سونداي-اق, اسا قاتىگەزدٸكپەن ٶلتٸرگەن ٶلٸم كەزٸندە ەرەكەتسٸزدٸك تانىتىپ, قىلمىستى جاسىرعانى ٷشٸن پوليتسييا قىزمەتكەرلەرٸنە قازاقستان رەسپۋبليكاسى قىلمىستىق كودەكسٸنٸڭ 370-بابىنىڭ 4-بٶلٸگٸمەن جەنە 433-بابىنىڭ 3-بٶلٸگٸمەن قىلمىستىق ٸس قوزعاۋدى دا تالاپ ەتەمٸز", - دەدٸ تۋىستارى.
سونىمەن قاتار, تۋىستارى پوليتسيياعا ارىزدانباعان, تيٸستٸ قىزمەتتەرگە حابارلاسپاعان دەمحانا قىزمەتكەرلەرٸن, قۇقىق بۇزۋشىنىڭ تۋىستارىن جاۋاپقا تارتۋدى سۇرايدى.
قىزىلوردا وبلىسى پروكۋراتۋراسىنىڭ باسپاسٶز قىزمەتٸ 3 قىركٷيەكتە شەديەۆانىڭ ٶلٸمٸ بويىنشا قىزىلوردا قالالىق پوليتسييا باسقارماسى قر قك 99-بابىنىڭ 1-بٶلٸگٸ ("ادام ٶلتٸرۋ") بويىنشا سوتالدى تەرگەۋدٸ باستاعانىن حابارلادى.
"تەرگەۋ بارىسىندا قىلمىسقا قاتىسى بار كٷدٸكتٸ انىقتالىپ, تەرگەۋ سوتىنىڭ سانكتسيياسىمەن وعان قاتىستى قاماۋعا الۋ تٷرٸندەگٸ بۇلتارتپاۋ شاراسى تاڭدالدى", - دەپ اتاپ ٶتتٸ دەپارتامەنتتٸڭ باسپاسٶز قىزمەتٸ.
سىبايلاس جەمقورلىققا قارسى قىزمەتتٸڭ قىزىلوردا وبلىسى بويىنشا دەپارتامەنتٸ پوليتسييا قىزمەتكەرلەرٸنە قاتىستى قازاقستان رەسپۋبليكاسى قىلمىستىق كودەكسٸنٸڭ 371-بابىنىڭ 1-بٶلٸگٸ بويىنشا سوتالدى تەرگەۋ امالدارىن جٷرگٸزٸپ جاتقانىن ايتتى.
