قىزىلورداداعى شىنى زاۋىتىنىڭ اينالاسىندا 8 ٸلەسپە زاۋىت سالىنادى دەپ جوسپارلانعان. ٷش زاۋىتتىڭ جوباسى بەلگٸلەنٸپ, بيزنەس قۇرىلىمىنا قاتىستى كەسٸپكەرلەر قىزىعۋشىلىق بٸلدٸرٸپ, قۇجاتتارىن دايىندادى. بۇل تۋرالى قىزىلوردا وبلىسىنىڭ ەكٸمٸ گٷلشارا ەبدٸقالىقوۆا «Apta» باعدارلاماسىنا بەرگەن سۇحباتىندا ايتتى, دەپ حابارلايدى قازاقپارات.
«قىزىلورداداعى شىنى زاۋىتىنىڭ قۇرىلىسى 70% اياقتالدى. ەكٸ مەسەلە عانا قالدى, ولار: بالقىتۋ ۆانناسى مەن كٷيدٸرۋ پەشٸ. قازٸرگٸ ۋاقىتتا ماماندارمەن كەلٸسسٶزدەر جٷرگٸزٸپ جاتىرمىز. بٸزدٸڭ تاراپىمىزدان ونىڭ اينالاسىنداعى ينفراقۇرىلىمىن اياقتاۋعا, ۆاگوندار كەلەتٸن جولدى جٶندەۋگە دايىنبىز. ال قالعان 30% جۇمىسى ماماندار كەلگەن جاعدايدا بٸرتٸندەپ بٸتەدٸ. بٸزدٸڭ ەلٸمٸزگە جىلىنا باعاسى 1 ملن. دوللار بولاتىن شىنى سىرتتان كەلەدٸ ەكەن. ەگەر ٶزٸمٸزدٸڭ زاۋىتتى ٸسكە قوساتىن بولساق, سول 1 ملن. دوللار بٸزدە قالادى. سىرتقا ساتساق – تاعى دا كٸرٸس بولادى. قازٸرگٸ ۋاقىتتا بٸز ٶتە جاقسى مەسەلەنٸ كٶتەردٸك. وسى شىنى زاۋىتتىڭ اينالاسىندا 8 ٸلەسپە زاۋىت سالامىز دەپ جوسپارلاپ وتىرمىز. ٷش زاۋىتتىڭ جوباسى بەلگٸلەنٸپ, بيزنەس قۇرىلىمىنا قاتىستى كەسٸپكەرلەر قىزىعۋشىلىق بٸلدٸرٸپ, قۇجاتتارىن دايىنداپ قويدى. مىسالى, بٸر زاۋىت شىنىدان ىدىس جاساسا, ەكٸنشٸ زاۋىت اينا جاسايدى, ال ٷشٸنشٸ زاۋىت قۇرىلىستا كٶپ پايدالانىلاتىن شىنى تالشىعىن شىعارادى. وسى ٷش زاۋىتتىڭ ٶزٸ 15-16 ملرد. تەڭگە ينۆەستيتسييا تارتادى», - دەيدٸ قىزىلوردا وبلىسىنىڭ ەكٸمٸ گٷلشارا ەبدٸقالىقوۆا.
سونداي-اق, ول «شالقييا» كەن ورنىندا قورعاسىن, مىرىش ٶندەيتٸن ٶندٸرٸس ورنى سالىناتىنىن ايتتى.
«شالقييا» كەن ورنىندا دا قورعاسىن, مىرىش ٶندەيتٸن ٶندٸرٸس ورنى سالىنايىن دەپ جاتىر. قازٸرگٸ ۋاقىتتا «سامۇرىق قازىنامەن» بٸرگە جۇمىس ٸستەپ جاتىرمىز. 8 ملرد. تەڭگەگە جۋىق ينۆەستيتسييا تارتىلىپ, جۇمىس باستالادى. ودان باسقا, ارال ٶڭٸرٸندە كالتسيلەندٸرٸلگەن سودا ٶندٸتەرٸن زاۋىتىنىڭ بارلىق قۇجاتتارى دايىن. قر ەكولوگييا مينيسترلٸگٸنە شلاكتى ساقتايتىن ورىنعا قاتىستى سۇراقتار بولعان. ول مەسەلەنٸ تولىق شەشتٸك. كەسٸپكەرلەر جۇمىستى باستاۋعا ەزٸر», - دەيدٸ ول.
