قىزىلوردا وبلىسىندا كەمەلەتكە تولماعاندار اراسىندا اتا-اناسىمەن رەنجٸسٸپ, ٷيدەن كەتٸپ قالۋ دەرەگٸ كٶبەيٸپ بارادى, دەپ حابارلايدى "ۇلت اقپارات".
قىزىلوردا قالالىق پوليتسييا باسقارماسىنىڭ 102 ارناسىنا قىزىلوردا قالاسىنىڭ تۇرعىنىنان حابارلاما تٷستٸ. وندا ٶزٸنٸڭ كەمەلەتكە تولماعان قىزىنىڭ تٷنگٸ ۋاقىتتا تەرەزە ارقىلى ٷيٸنەن قاشىپ كەتٸپ, وسى ۋاقىتقا دەيٸن قايتا ورالماعاندىعى جٶنٸندە ايتىلعان.
«پوليتسەيلەر دەرەۋ ٸزدەۋ جۇمىسترىنا كٸرٸستٸ. بٸرشاما ۋاقىتتان كەيٸن جاسٶسپٸرٸم قىز قۇربىسىنىڭ ٷيٸنەن تابىلدى. وبلىس بويىنشا بىلتىر كەمەلەتكە تولماعاندار اراسىندا حابار-وشارسىز كەتۋدٸڭ وسىنداي 92 دەرەگٸ تٸركەلدٸ. ولاردىڭ بارلىعى اتا-اناسىنا امان-ەسەن تاپسىرىلدى. وسىعان وراي اتا-انالاردان بالالارىن باقىلاۋدان شىعارماي, جاۋاپكەرشٸلٸكتٸ كٷشەيتۋدٸ سۇرايمىز», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
