بٷگٸن وبلىس ەكٸمٸ نۇرلىبەك نەلٸباەۆ قىزىلوردا قالاسىنداعى جالاڭتٶس باھادٷر كٶشەسٸنٸڭ بويىندا ورنالاسقان «شۇعىلا» سپورت كەشەنٸنٸڭ سالتاناتتى اشىلۋ رەسٸمٸنە قاتىستى.
ايماق باسشىسى تۇرعىنداردى قۇتتىقتاپ, سپورت سالاسىنداعى جەتٸستٸكتەرگە توقتالدى.
«ٶتكەن جىلى ايماققا ارنايى ساپارمەن كەلگەن مەملەكەت باسشىسى قاسىم-جومارت كەمەلۇلى جاس سپورتشىلارمەن كەزدەسۋٸندە «سپورتپەن شۇعىلدانۋ كەرەك. ەسٸرەسە, ٶزدەرٸڭٸز سيياقتى جاستارىمىزدىڭ دەنٸ ساۋ, مىقتى ازامات بولىپ ٶسۋٸ قاجەت. جاستاردىڭ دەنٸ ساۋ بولسا, مەملەكەت تە قۋاتتى بولادى» دەگەن ەدٸ. سپورت ەلدٸڭ مەرەيٸن تاسىتىپ, جەڭٸمپازدىق رۋح سىيلايدى, جاستاردى تاباندىلىققا, تەرتٸپكە باۋليدى.
پرەزيدەنتٸمٸزدٸڭ, ٷكٸمەتتٸڭ قولداۋىنىڭ ارقاسىندا ٶڭٸرلەر اراسىندا كٶشباسشىلار قاتارىنان كٶرٸنٸپ كەلەمٸز. «جايلى مەكتەپ» ۇلتتىق جوباسى اياسىندا 12 300 ورىنعا ارنالعان 21 مەكتەپ سالىنۋدا. بىلتىر 10 مەكتەپتٸڭ قۇرىلىسى باستالسا, بيىل تاعى 11 مەكتەپتٸڭ قۇرىلىسى جٷرگٸزٸلەدٸ. «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا ٶتكەن جىلى ەلدٸ مەكەندەردە 15 جاڭا دەرٸگەرلٸك امبۋلاتورييا, 1 مەديتسينالىق بەكەت ەل يگٸلٸگٸنە تابىستالدى.
سپورتتىق نىساندار قۇرىلىسى دا قارقىن الدى. قىزىلوردا قالاسىندا قۇنى 2 ملرد 700 ملن تەڭگە بولاتىن ٷستەل تەننيسٸ ورتالىعىنىڭ قۇرىلىسى جٷرۋدە. سىردارييانىڭ سول جاعالاۋىنان حالىقارالىق ستاندارتتارعا ساي, جابىق باسسەينٸ بار كٶپسالالى دەنە شىنىقتىرۋ-ساۋىقتىرۋ كەشەنٸنٸڭ قۇرىلىسى باستالدى, 10 مىڭ ورىندىق جاڭا ستاديوننىڭ ٸرگەتاسى قالاندى. بىلتىر 7 دەنە شىنىقتىرۋ-ساۋىقتىرۋ كەشەنٸ ەل يگٸلٸگٸنە تابىستالدى, بيىل اۋدانداردا 15 كەشەندٸ قولدانىسقا بەرەمٸز», – دەدٸ ايماق باسشىسى.
رەسٸمدە جاڭا سپورت كەشەنٸن اشىپ, جاستار مەن جاسٶسپٸرٸمدەر اراسىندا سالاۋاتتى ٶمٸر سالتىن قالىپتاستىرۋعا ٷلەس قوسقان «نۇراي» جشس ديرەكتورى سەيٸتقالي الشىنباەۆ وبلىستىڭ ەڭ جوعارى ناگراداسى – قۇرمەت گراموتاسىمەن ماراپاتتالدى.
ٸس-شارادا مەملەكەت جەنە قوعام قايراتكەرٸ مۇرات باقتييارۇلى سٶز سٶيلەپ, جەرلەستەرٸن جاڭا نىساننىڭ اشىلۋىمەن قۇتتىقتادى.
سپورت كەشەنٸ 350 ورىندىق, 1,7 ملرد تەڭگەگە سالىنعان, جالپى اۋدانى – 2700 شارشى مەتر. وندا تاەكۆوندو, حورەوگرافييا, ٷستەل تەننيسٸ, فۋتبول, ۆولەيبول, باسكەتبول, قازاقشا كٷرەس, شاحمات, توعىزقۇمالاق ٷيٸرمەلەرٸ بولادى. اۋماعىندا شاعىن فۋتبول الاڭى جەنە اۆتوتۇراق بار.
ايتا كەتەيٸك, بيىل سىر سپورتشىلارى ەلەمدٸك ارەنالاردا ٶنەر كٶرسەتٸپ, وبلىس قورجىنىنا 54 مەدال سالسا, رەسپۋبليكالىق چەمپيوناتتار مەن كۋبوكتاردان 245 جٷلدە يەلەندٸ. باستى جەتٸستٸك – قامشىبەك قوڭقاباەۆ بوكستان, ايدوس سۇلتانعالي گرەك-ريم كٷرەسٸنەن پاريج وليمپياداسىنا, وتىرىپ ويناۋ ۆولەيبولىنان قوس بٸردەي سپورتشىمىز ەريك قاسقاباەۆ پەن شىڭعىس مەدەۋوۆ پاراليمپياداعا جولداما الدى. دزيۋدو, پارادزيۋدودان دا ٷمٸتكەرلەر بار.
