فوتو: Polisia.kz
قىزىلوردا وبلىسىندا دٸن سالاسىنداعى زاڭ بۇزۋشىلىقتارعا قارسى كٷرەس كٷشەيدٸ. جىل باسىنان بەرٸ ٶڭٸردە وسى باعىتتا 14 ەكٸمشٸلٸك قۇقىق بۇزۋشىلىق تٸركەلگەن, دەپ حابارلايدى Ult.kz Polisia.kz-كە سٸلتەمە جاساپ.
قۇقىق بۇزۋشىلىقتاردىڭ باسىم بٶلٸگٸ وبلىستىق پوليتسييا دەپارتامەنتٸنٸڭ ەكسترەميزمگە قارسى ٸس-قيمىل باسقارماسى جٷرگٸزگەن رەيدتەر كەزٸندە جەنە ەلەۋمەتتٸك جەلٸلەر مەن ينتەرنەت-رەسۋرستارعا جاسالعان مونيتورينگ نەتيجەسٸندە انىقتالعان.
زاڭ تالاپتارىنا سەيكەس, دٸني ەدەبيەتتەر مەن مازمۇنداعى ماتەريالداردى تەك ارنايى رۇقساتى بار, رەسمي تٸركەلگەن ساۋدا ورىندارى عانا تاراتا الادى. الايدا بۇل تالاپتار جيٸ بۇزىلىپ وتىر. ينتەرنەت ارقىلى دٸني ٶنٸمدەردٸ زاڭسىز ساتۋ دەرەكتەرٸ دە كەزدەسۋدە.
مەسەلەن, بايقوڭىر قالاسىنىڭ 38 جەنە 34 جاستاعى تۇرعىندارىنىڭ ٷيلەرٸندە جٷرگٸزٸلگەن تٸنتۋ بارىسىندا 180-گە جۋىق دٸني كٸتاپ تەركٸلەندٸ. اتالعان ازاماتتارعا قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 490-بابى بويىنشا حاتتاما تولتىرىلدى.
سونداي-اق 32 جەنە 36 جاستاعى تۇرعىندار “ۆكونتاكتە” ەلەۋمەتتٸك جەلٸسٸ ارقىلى دٸني مازمۇنداعى اۋديو جەنە بەينەماتەريالدار تاراتقانى انىقتالدى. بۇل فاكتٸلەر ونلاين مونيتورينگ بارىسىندا بەلگٸلٸ بولعان.
پوليتسييا ٶكٸلدەرٸ مۇنداي زاڭ بۇزۋشىلىقتارعا قارسى شارالار الداعى ۋاقىتتا دا جالعاساتىنىن مەلٸمدەدٸ. بارلىق انىقتالعان دەرەكتەر بويىنشا زاڭ اياسىندا تيٸستٸ شەشٸمدەر قابىلدانادى.
سونىمەن قاتار ٶڭٸردە تۇرعىنداردىڭ قۇقىقتىق ساۋاتىن ارتتىرۋ ماقساتىندا تٷسٸندٸرۋ جەنە الدىن الۋ جۇمىستارى جٷرگٸزٸلۋدە. تەرتٸپ ساقشىلارى دٸني ەدەبيەتتەردٸ تاراتۋ تالاپتارىن تٷسٸندٸرٸپ, زاڭدى ساقتاۋدىڭ ماڭىزدىلىعىنا ەرەكشە نازار اۋدارۋدا.
