قىزىلوردا وبلىسىندا كانالعا سۋعا باتىپ كەتكەن ەكٸ ادامنىڭ بٸرٸ 33 جاستاعى ەر ادامنىڭ دەنەسٸ ٷش كٷننەن كەيٸن تابىلدى, دەپ حابارلايدى "ۇلت اقپارات".
ەسكە سالساق, وقيعا جاڭاقورعان اۋدانىنا قاراستى كٶكتٶبە اۋىلى اۋماعىنداعى كەلٸنتٶبە كانالىندا 27 ماۋسىمدا بولعان. سول كٷنٸ ساعات 14.12-دە شىمكەنت قالاسىندا تۇراتىن 1988 جىلعى ەر ازامات پەن تٷركٸستان قالاسىنىڭ تۇرعىنى, 2008 جىلعى قىز بالا سۋعا باتىپ كەتكەن.
تٶتەنشە جاعدايلار سالاسىنىڭ ماماندارى 13 جاستاعى جاسٶسپٸرٸمنٸڭ دەنەسٸن 29 ماۋسىمدا قاندٶز اۋىلىندا كٶپٸرگە 50 مەتر جەتپەيتٸن اۋماقتان تاپقان بولاتىن.
ال ەر ازاماتتىڭ دەنەسٸن ٸزدەستٸرۋ ودان ەرٸ جالعاسقان ەدٸ.
«بٷگٸن, تاڭەرتەڭ تٶتەنشە جاعدايلار سالاسىنىڭ ماماندارى ونىڭ دەنەسٸن سۋعا تٷسكەن اۋماعىنان 3 شاقىرىم قاشىقتىقتان تاپتى», - دەدٸ وبلىستىق تٶتەنشە جاعدايلار دەپارتامەنتٸ.
