Qyzylorda oblysynda kanalǵa sýǵa batyp ketken eki adamnyń biri 33 jastaǵy er adamnyń denesi úsh kúnnen keiin tabyldy, dep habarlaidy "Ult aqparat".
Eske salsaq, oqiǵa Jańaqorǵan aýdanyna qarasty Kóktóbe aýyly aýmaǵyndaǵy Kelintóbe kanalynda 27 maýsymda bolǵan. Sol kúni saǵat 14.12-de Shymkent qalasynda turatyn 1988 jylǵy er azamat pen Túrkistan qalasynyń turǵyny, 2008 jylǵy qyz bala sýǵa batyp ketken.
Tótenshe jaǵdailar salasynyń mamandary 13 jastaǵy jasóspirimniń denesin 29 maýsymda Qandóz aýylynda kópirge 50 metr jetpeitin aýmaqtan tapqan bolatyn.
Al er azamattyń denesin izdestirý odan ári jalǵasqan edi.
«Búgin, tańerteń tótenshe jaǵdailar salasynyń mamandary onyń denesin sýǵa túsken aýmaǵynan 3 shaqyrym qashyqtyqtan tapty», - dedi oblystyq tótenshe jaǵdailar departamenti.
