فوتو: ۆيدەودان الىنعاني سكرين
ٸشكٸ ٸستەر مينيسترٸنٸڭ بۇرىنعى بٸرٸنشٸ ورىنباسارى جەنە جاقىندا سەناتور بولعان مارات قوجاەۆ قىزىلوردالىق وقۋشىنى جەزٶكشەلٸككە مەجبٷرلەۋ وقيعاسىنا قاتىستى پٸكٸر ايتتى, - دەپ حابارلايدى «ۇلت اقپارات» Kazinform-عا سٸلتەمە جاساپ.
«بۇل وقيعانىڭ بارلىق مەن-جايىن, ونىڭ سەبەپتەرٸن تٷسٸنٸپ الماي, قورىتىندى جاساۋعا ەلٸ ەرتە. بۇل ٸستٸڭ بارلىق جاي-جاپسارى سوتتا زەرتتەلٸپ, ناقتى قۇقىقتىق باعا بەرٸلگەندە, وقيعاعا قاتىستى ناقتى شىندىقتى بٸلەتٸن بولامىز. مەنٸڭ تەرگەۋشٸ رەتٸندەگٸ 30 جىلدىق تەجٸريبەم بار. بۇل تۇرعىدا وسى ارالىقتا مۇنداي بٸراز وقيعا ەسٸمدە قالدى. سول كەزدەرٸ قوعامدىق رەزونانس بولماسا دا, ەدٸل سوت ٷكٸمٸ شىقتى... سوتتا ەلەۋمەتتٸك جەلٸدەگٸ دٷربەلەڭ ەمەس, ناقتى پروتسەسسۋالدىق دەلەلدەر عانا باعالانادى», - دەدٸ م.قوجاەۆ سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋپا بەرە وتىرىپ.
ونىڭ سٶزٸنە قاراعاندا, بۇل ٸس بويىنشا كٷدٸكتٸلەر جازادان قۇتىلمايدى. بۇل تۇرعىدا قوعامنىڭ قۇقىق قورعاۋ ورگاندارىنا دەگەن سەنٸم جوعارى.
«قوعامدا ونداي قورقىنىش جوق. حالقىمىزدىڭ باسىم كٶپشٸلٸگٸ ەلٸمٸزدٸڭ زاڭ جٷيەسٸنە سەنەدٸ دەپ ويلايمىن», - دەدٸ دەپۋتات.
ەسكە سالساق, بيىل تامىز ايىندا قىزىلوردا قالاسىندا مەكتەپ وقۋشىلارى سىنىپتاسىن سەكس-قۇلدىقتا ۇستادى دەگەن كٷدٸككە ٸلٸندٸ.
بٸر توپ جاسٶسپٸرٸم 16 جاسار قىزدى قيناپ ۇستاعانى, ەسٸرتكٸ بەرٸپ, جەزٶكشەلٸكپەن اينالىسۋعا مەجبٷرلەگەنٸ تۋرالى اقپارات تارادى. وقۋشى قىزدىڭ اتا-اناسى بۇل جاعدايدى قوعامدىق قورعا حابارلاعان.
قىزىلوردا پوليتسيياسى اتالعان دەرەك بويىنشا كٷدٸكتٸلەردٸ ۇستاپ, ۋاقىتشا ۇستاۋ يزولياتورىنا قامادى. كەيٸن كٷدٸككە ٸلٸنگەن مەكتەپ وقۋشىلارى ٷيقاماققا اۋىستىرىلدى.
قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ قىزىلوردالىق وقۋشىنى جەزٶكشەلٸككە مەجبٷرلەۋگە قاتىستى اتىشۋلى ٸستٸ تەرگەۋ قالاي جٷرٸپ جاتقانىن ايتتى. ۆەدومستۆونىڭ حابارلاۋىنشا, كٷدٸكتٸ دەپ تانىلعان 11 ادامنىڭ بەسەۋٸ كەمەلەت جاسىنا تولماعان.
