Foto: Videodan alynǵani skrin
Ishki ister ministriniń burynǵy birinshi orynbasary jáne jaqynda senator bolǵan Marat Qojaev qyzylordalyq oqýshyny jezókshelikke májbúrleý oqiǵasyna qatysty pikir aitty, - dep habarlaidy «Ult aqparat» Kazinform-ǵa silteme jasap.
«Bul oqiǵanyń barlyq mán-jaiyn, onyń sebepterin túsinip almai, qorytyndy jasaýǵa áli erte. Bul istiń barlyq jai-japsary sotta zerttelip, naqty quqyqtyq baǵa berilgende, oqiǵaǵa qatysty naqty shyndyqty biletin bolamyz. Meniń tergeýshi retindegi 30 jyldyq tájiribem bar. Bul turǵyda osy aralyqta mundai biraz oqiǵa esimde qaldy. Sol kezderi qoǵamdyq rezonans bolmasa da, ádil sot úkimi shyqty... Sotta áleýmettik jelidegi dúrbeleń emes, naqty protsessýaldyq dálelder ǵana baǵalanady», - dedi M.Qojaev Senattyń jalpy otyrysynan keiin tilshiler suraǵyna jaýpa bere otyryp.
Onyń sózine qaraǵanda, bul is boiynsha kúdiktiler jazadan qutylmaidy. Bul turǵyda qoǵamnyń quqyq qorǵaý organdaryna degen senim joǵary.
«Qoǵamda ondai qorqynysh joq. Halqymyzdyń basym kópshiligi elimizdiń zań júiesine senedi dep oilaimyn», - dedi depýtat.
Eske salsaq, biyl tamyz aiynda Qyzylorda qalasynda mektep oqýshylary synyptasyn seks-quldyqta ustady degen kúdikke ilindi.
Bir top jasóspirim 16 jasar qyzdy qinap ustaǵany, esirtki berip, jezókshelikpen ainalysýǵa májbúrlegeni týraly aqparat tarady. Oqýshy qyzdyń ata-anasy bul jaǵdaidy qoǵamdyq qorǵa habarlaǵan.
Qyzylorda politsiiasy atalǵan derek boiynsha kúdiktilerdi ustap, ýaqytsha ustaý izoliatoryna qamady. Keiin kúdikke ilingen mektep oqýshylary úiqamaqqa aýystyryldy.
QR Ishki ister ministrliginiń baspasóz qyzmeti qyzylordalyq oqýshyny jezókshelikke májbúrleýge qatysty atyshýly isti tergeý qalai júrip jatqanyn aitty. Vedomstvonyń habarlaýynsha, kúdikti dep tanylǵan 11 adamnyń beseýi kámelet jasyna tolmaǵan.
