قىزىلوردادا مۇنايشىلار ماراپاتتالدى

«تەۋەلسٸز قازاقستاننىڭ 25 جىلىندا مۇناي-گاز سالاسى ەلباسى قولداۋىنىڭ ارقاسىندا ەل ەكونوميكاسىنىڭ كٶشباسىندا تۇر. مەملەكەت باسشىسىنىڭ تٸكەلەي ىقپالىمەن «شەۆرون», «ەكسون موبيل», «كونوكو فيليپس», «ادجيپ», «بريتيش گاز», CNPC, «ميتتالل ينۆەستمەنت» جەنە باسقا دا كومپانييالارمەن ىنتىماقتاستىق ورناتىلدى. ايماقتا مۇناي ٶنەركەسٸبٸن دامىتۋدىڭ باستاماسى قۇمكٶل كەن ورنىنىڭ اشىلۋى بولدى. سوڭعى 30 جىلدا مۇناي مەن گاز كلاستەرٸ, سونىڭ ٸشٸندە مۇنايدى, ٸلەسپە گازدى جەنە كوندەنساتتى ٶندٸرۋدٸ عانا ەمەس, سونداي-اق, مۇناي ٶڭدەيتٸن زاۋىتتاردى, مۇناي ٶنٸمدەرٸن شىعاراتىن كەسٸپورىنداردى دا قالىپتاستىردى»,-دەدٸ ايماق باسشىسى.

سونىمەن قاتار, قازٸرگٸ ۋاقىتتا مۇناي ٶندٸرۋ كٶلەمٸ تٶمەندەۋدە, ايماقتىڭ كٶپتەگەن كەن ورىندارىنىڭ دامۋى ارتتا قالۋدا. قازٸرگٸ جاعدايدا وتاندىق مۇناي ٶندٸرۋدٸڭ نەگٸزگٸ قورى ٶندٸرٸلۋٸ قيىن قورلار بولىپ تابىلاتىنىن اتاپ ٶتتٸ وبلىس ەكٸمٸ.

مۇناي ٶندٸرەتٸن كەسٸپورىنداردىڭ الدىندا تۇرعان نەگٸزگٸ مٸندەت – يگەرٸلەتٸن ٶنٸمدٸك قاباتتاردان مۇناي الۋ مٷمكٸندٸگٸن بارىنشا ارتتىرۋ. بۇل ٶندٸرٸلگەن شيكٸزات كٶلەمٸن ۇلعايتۋعا باعىتتالعان زاماناۋي قۇرىلعىلار مەن ەڭ وزىق تەحنولوگييالاردى قولدانۋ ارقىلى جٷزەگە اسىرىلادى.

«ايماقتىڭ ەكونوميكاسىن ەرتاراپتاندىرۋ ماقساتىندا مەتاللۋرگييا, كٶلٸك لوگيستيكاسى, اگروٶنەركەسٸپ كەشەنٸ, شاعىن بيزنەس جەنە تۋريزم سالالارىن دامىتۋدامىز. سوڭعى 5 جىلدا ٶڭدەۋ ٶنەركەسٸبٸندەگٸ ٶنٸم 65% -عا, رەسپۋبليكا بويىنشا - 9,1% -عا ٶستٸ. شيكٸزاتتىق ەمەس ەكسپورت كٶلەمٸ 2017 جىلى 68% -عا ٶستٸ, ال جالپى ٶڭٸرلٸك ٶنٸم قۇرىلىمىندا ٶندٸرٸس ٷلەسٸ 5 جىلدا 2 ەسەگە ارتتى», - دەدٸ ايماق باسشىسى.

سونداي-اق, ايماقتىڭ مۇناي سالاسىنىڭ قىزمەتكەرلەرٸن قر ەنەرگەتيكا مينيسترٸنٸڭ بٸرٸنشٸ ورىنباسارى ماحامبەت دوسمۇحامبەتوۆ پەن «قازمۇنايگاز» ۇك اق باسقارما تٶراعاسىنىڭ ورىنباسارى قۇرمانعازى ەسقازيەۆ قۇتتىقتادى.

ايماقتاعى مۇناي-گاز سالاسىنىڭ ٷزدٸك قىزمەتكەرلەرٸ ماراپاتتالىپ, ٸس-شارا مەرەكەلٸك-كونتسەرتتٸك باعدارلامامەن جالعاستى.