الىپ-ساتۋعا ارنالعان قازاقستاندىق Olx پورتالىندا قىزىلوردا وبلىسىنداعى مۇناي كەنٸشٸنٸڭ ساتىلاتىنى تۋرالى جارناما پايدا بولدى. كەنٸشٸ قارا التىنعا تولى جەرٸ ٷشٸن جەكە تۇلعا 8 ميلليون دوللار نەمەسە 2 ملرد 918 ملن 320 مىڭ تەڭگە سۇراپ وتىر. تٸپتٸ, العىسى كەلگەن اداممەن ساۋدالاسۋعا دايىنمىن دەيدٸ ول.
"بۇرىن ەشكٸم بۇرعىلاماعان, مۇنايىن يگەرمەگەن. بٸز ٶزٸمٸز دەمەۋشٸ ٸزدەپ كٶردٸك, بٸراق, ەشكٸم تابىلا قويمادى. سوندىقتان, ساتۋ ٷشٸن جارنامالاپ وتىرمىز. جەر قۇمكٶل تراسساسىنداعى "كازما" كومپانيياسىنان 25 شاقىرىم قاشىقتىقتا ورنالاسقان. جەردٸڭ كەنٸشٸنە بارلاۋ جۇمىستارى كەڭەس وداعىنىڭ تۇسىندا جٷرگٸزٸلگەن. ول كەزدەگٸ قۇجاتتاردىڭ بەرٸ قولىمىزدا بار. جەر جەكەمەنشٸك يەلٸگٸندە", - دەيدٸ رۋستام رىسپەكوۆ ەسٸمدٸ جارناما بەرۋشٸ.
ونىڭ ايتۋىنشا, ساتىلىپ جاتقان جەردە ينفراقۇرىلىمنىڭ ەشقانداي تٷرٸ جوق. الايدا, ەلەكتر قۋاتى مەن سۋدى جاقىن ماڭنان جٷرگٸزۋگە بولادى.
"ەلەكتر قۋاتى مەن سۋ 25 شاقىرىم قاشىقتىقتا بار. باستى تراسسا 30 شاقىرىم, تەمٸرجول 175 شاقىرىم قاشىقتىقتا ورنالاسقان. ساتىپ الۋشى تابىلىپ جاتسا ساتامىز, ينۆەستور تابىلسا اقىلداسۋعا دايىنبىز", - دەيدٸ ر.رىسپەكوۆ.
