قىزىلوردادا كەن ورنىنداعى ٶرتتەن 3 ادامنىڭ قازا بولۋىنا بايلانىستى جاڭا دەرەكتەر بەلگٸلٸ بولدى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, 1 جەلتوقساندا كەن ورنىندا جاتاقحانا ٶرتەنٸپ, 3 جۇمىسشى كٶز جۇمدى. جۇمىسشىلارعا ارنالعان كونتەينەر تيپتٸ جاتاقحانادان شىققان جالىن 1450 شارشى مەتر اۋماقتى شارپىعان.
مەلٸم بولعانىنداي, جۇمىسشىلار ەڭبەك ەتەتٸن كومپانييا قىركٷيەك ايىندا جۇمىسىن باستاعان. قازا بولعان ادامداردىڭ 2-ەۋٸ قىزىلوردا قالاسىندا تۇرعان بولسا, 1-ەۋٸ سىردارييا اۋدانىنىڭ تۇرعىنى. ولاردىڭ 2-ەۋٸ ەر, 1-ەۋٸ ەيەل ادام.
«ٶرت قاۋٸپسٸزدٸگٸ ساقتالماعانى ٷشٸن قىلمىستىق ٸس قوزعالدى. ياعني, قر قىلمىستىق كودەكسٸنٸڭ 292-بابىنىڭ 3-بٶلٸگٸ بويىنشا سوتقا دەيٸنگٸ تەرگەپ-تەكسەرۋ جۇمىستارى جٷرگٸزٸلۋدە. اتالعان ٸس بويىنشا ساراپتامالار تاعايىندالدى», - دەدٸ قىزىلوردا وبلىستىق پوليتسييا دەپارتامەنتٸ تەرگەۋ باسقارماسىنىڭ باستىعى ەبدٸبەك جانازاروۆ.
