بٷگٸن قىزىلوردادا باتىرحان شٷكەنوۆكە ەسكەرتكٸش ورناتىلدى, دەپ حابارلايدى "ۇلت اقپارات" ەكٸمدٸككە سٸلتەمە جاساپ.
وعان باتىرحان شٷكەنوۆتٸڭ تۋعان-تۋىسى, دوستارى مەن جەرلەستەرٸ قاتىستى. سونداي-اق, شاراعا قۇرمەتتٸ قوناق رەتٸندە ەنشٸنٸڭ جاقىن دوسى بايعالي سەركەباەۆ ارنايى كەلدٸ.
«بٷگٸن سىر ەلٸ تالانتتى پەرزەنتٸنە مەڭگٸلٸك ەسكەرتكٸش ورناتىپ, ٸلتيپاتىن بٸلدٸرٸپ جاتىر. بۇل ەسكەرتكٸش ونىڭ تۋعان قالاسىنىڭ تٶرٸندە جارقىراپ, كٶركٸنە كٶرٸك قوسارى سٶزسٸز. ونىڭ ٷستٸنە وسى ساياباق باتىرحاننىڭ ەسٸمٸمەن اتالىپ, كەلەشەكتە جاستاردىڭ, ەنشٸنٸ قۇرمەتتەيتٸن تۇرعىنداردىڭ جاقسى بٸر دەمالىس ورنىنا اينالار دەپ سەنەمٸز. سىر بويىنىڭ تالانتتى ۇلى, ٶنەر تارلانى باتىرحان شٷكەنوۆتٸڭ ەسٸمٸ قازاقستاندىقتاردىڭ جٷرەگٸندە مەڭگٸ ساقتالادى», - دەدٸ وبلىس ەكٸمٸنٸڭ ورىنباسارى رۋسلان رٷستەموۆ.
ەنشٸنٸڭ اناسى ديليارا شٷكەنوۆا وبلىس باسشىلىعى مەن ٸس-شارانى ۇيىمداستىرۋشىلارعا ٶز ريزاشىلىعىن بٸلدٸردٸ.
«بايقاۋدى ۇيىمداستىرىپ, ەسكەرتكٸشتٸ ورناتۋعا اتسالىسقان بارلىق ازاماتتارعا ٷلكەن راحمەت. ۇلىما ەسكەرتكٸش قويىپ, ونىڭ قۇرمەتٸنە ساياباقتىڭ اتىن بەرگەندەرٸڭٸزگە ٶتە قۋانىشتىمىن», - دەدٸ باتىرحان شٷكەنوۆتٸڭ اناسى ديليارا شٷكەنوۆا.
مٷسٸنگە باتىرحان شٷكەنوۆتٸڭ «وتان-انا» كليپٸندەگٸ قولىندا ساكسوفون ۇستاپ تۇرعان بەينەسٸ الىنعان. ەسكەرتكٸشتٸڭ جالپى بيٸكتٸگٸ 3,6 مەتر, مٷسٸننٸڭ بيٸكتٸگٸ - 2,2 مەتر, ماتەريالى - قولا; تۇعىردىڭ بيٸكتٸگٸ - 1,6 مەتر.
ەستەرٸڭٸزگە سالا كەتەلٸك, بٸز بۇدان بۇرىن بٸز بۇدان بۇرىن باتىرحان شٷكەنوۆتٸڭ ەش جەردە ورىندالماعان 13 ەنٸ جيناقتالعان جاڭا البومى جارىققا شىعاتىنىن حابارلانعان ەدٸك. سونداي-اق, كەشە باتىرحان شٷكەنوۆكە ارنالعان «وتان-انا» بايقاۋىنىڭ جەڭٸمپازدارى انىقتالدى.
