قىزىلوردا قالاسىندا قۇتقارۋشىلار بٷگٸن 31 جاستاعى ازاماتتىڭ دەنەسٸن سىردارييا ٶزەنٸنٸڭ بەتٸندە قالقىپ جٷرگەن جەرٸنەن تاۋىپ الدى, دەپ حابارلايدى "ۇلت اقپارات".
1990 جىلعى ازامات ەكٸ كٷندەي بۇرىن دارييانىڭ «مەرەي» شاعىن اۋدانى اۋماعىندا بەلگٸلەنبەگەن جەردە سۋعا باتىپ كەتكەن. قۇتقارۋشىلار دارييادا ەكٸ كٷن بويى ٸزدەۋ جۇمىستارىن جٷرگٸزدٸ. نەتيجەسٸندە ازاماتتىڭ دەنەسٸ بٷگٸن, 7 شٸلدەدە ساعات 5.30-دا وقيعا ورنىنان 1 شاقىرىمداي قاشىقتىقتا سۋ بەتٸندە قالقىپ جٷرگەن جەرٸنەن تابىلدى.
تاعى بٸر وقيعا, 6 شٸلدەدە «دوموسترويتەل» ساياجايىنىڭ اۋماعىندا بولعان. سول اۋماقتا 1955 جىلعى ازامات 12.35-تە سۋعا باتىپ كەتكەن. قۇتقارۋشىلار كٶمەگٸمەن 66 جاستاعى ازاماتتىڭ دەنەسٸ ساعات 13.13-تە سۋدان شىعارىلدى.
«قازٸر ٶڭٸردە اپتاپ ىستىق بايقالىپ تۇر. سوندىقتان تۇرعىنداردان بارلىق قاۋٸپسٸزدٸك شارالارىنا نازار اۋدارۋىن سۇرايمىز», - دەدٸ وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق قۇتقارۋ جۇمىستارى قىزمەتٸنٸڭ مامانى ەلييا ەرەجەپوۆا.
