Qyzylorda qalasynda qutqarýshylar búgin 31 jastaǵy azamattyń denesin Syrdariia ózeniniń betinde qalqyp júrgen jerinen taýyp aldy, dep habarlaidy "Ult aqparat".
1990 jylǵy azamat eki kúndei buryn dariianyń «Merei» shaǵyn aýdany aýmaǵynda belgilenbegen jerde sýǵa batyp ketken. Qutqarýshylar dariiada eki kún boiy izdeý jumystaryn júrgizdi. Nátijesinde azamattyń denesi búgin, 7 shildede saǵat 5.30-da oqiǵa ornynan 1 shaqyrymdai qashyqtyqta sý betinde qalqyp júrgen jerinen tabyldy.
Taǵy bir oqiǵa, 6 shildede «Domostroitel» saiajaiynyń aýmaǵynda bolǵan. Sol aýmaqta 1955 jylǵy azamat 12.35-te sýǵa batyp ketken. Qutqarýshylar kómegimen 66 jastaǵy azamattyń denesi saǵat 13.13-te sýdan shyǵaryldy.
«Qazir óńirde aptap ystyq baiqalyp tur. Sondyqtan turǵyndardan barlyq qaýipsizdik sharalaryna nazar aýdarýyn suraimyz», - dedi oblystyq tótenshe jaǵdailar departamenti órt sóndirý jáne avariialyq qutqarý jumystary qyzmetiniń mamany Áliia Erejepova.
