قىزىلوردا وبلىسىندا قىلمىستىق اتقارۋ جٷيەسٸنٸڭ قىزمەتكەرلەرٸ بٸر اپتاعا جۋىق ۋاقىتتىڭ ٸشٸندە 190-نان استام تىيىم سالىنعان زاتتى تەركٸلەگەن, دەپ حابارلايدى "ۇلت اقپارات".
تٷرمەگە تىيىم سالىنعان «تاپسىرىستاردى» جەتكٸزۋ ٷشٸن زاڭبۇزۋشىلار تٷرلٸ تەسٸلدەر قولدانعان.
مىسالى, اباقتى اۋماعىندا قۇم بلوگىن سوعۋمەن اينالىساتىن جاۋاپكەرشٸلٸگٸ شەكتەۋلٸ سەرٸكتەستٸككە تسەمەنت ەكەلگەن «كاماز» جٷك كٶلٸگٸن تەكسەرۋ كەزٸندە 190 تىيىم سالىنعان زات تەركٸلەنگەن.
«وقيعا 9 شٸلدەدە بولدى. كەشكٸ ساعات التىلار شاماسىندا قىزىلوردا وبلىسى بويىنشا قىلمىستىق اتقارۋ جٷيەسٸ دەپارتامەنتٸنٸڭ زك-169/5 مەكەمەسٸنٸڭ الدىنا تسەمەنت تيەلگەن كٶلٸك كەلٸپ توقتاعان. 44 جاستاعى «كاماز» جٷرگٸزۋشٸسٸ كولونييا اۋماعىندا ورنالاسقان كەسٸپورىنعا 196 قاپ قۇرىلىس قوسپاسىن ەكەلە جاتقانىن ايتقان. تەكسەرۋ بارىسىندا جەدەل بٶلٸم قىزمەتكەرلەرٸ 7 قاپتان 190-نان استام تىيىم سالىنعان زات تاۋىپ, تەركٸلەدٸ. اتاپ ايتساق, 63 شپريتس, شامامەن 0,5 كەلٸ ەسٸرتكٸ, 43 ۇيالى تەلەفون, 14 جۇپ قۇلاققاپ, 13 SIM-كارتا, 35 قاۋاتتاعىش قۇرىلعى, 1 شاعىن كامەرا, 10 قوراپ ويىن كارتاسى, جارتى ليترلٸك قۇتىلارعا سالىنعان 12 «ناسىباي» بٶتەلكەسٸ جەنە 3 ليتر سپيرت شىقتى», - دەپ جازادى وبلىستىق قىلمىستىق اتقارۋ جٷيەسٸ دەپارتامەنتٸنٸڭ باسپاسٶز قىزمەتٸ.
«تاپسىرىستى» ورىنداۋشىلار ۇيالى تەلەفوندار مەن ەسٸرتكٸنٸڭ سەنٸمدٸ جەردە ساقتالۋىنا قاتتى كٶڭٸل بٶلگەن كٶرٸنەدٸ.
تسەمەنت تولى قاپتاردى جارىپ قاراۋ ارقىلى عانا انىقتاۋ مٷمكٸن بولعان.
اتالعان فاكتٸ بويىنشا قالالىق پوليتسييا باسقارماسىنىڭ جەدەل-تەرگەۋ توبى سوتقا دەيٸنگٸ تەرگەۋ باستادى.
ال اباقتى اۋماعىندا قۇم بلوگىن شىعاراتىن سەرٸكتەستٸكپەن جاسالعان كەلٸسٸمشارتتىڭ كٷشٸ جويىلدى.
اتالعان كەسٸپورىن بۇل مەكەمە اۋماعىندا 2017 جىلدان بەرٸ جۇمىس ٸستەپ كەلگەن.
ال 14 شٸلدەدە زك-169/1 مەكەمەسٸنٸڭ سوتتالۋىشلارىنا جولدانعان ازىق-تٷلٸكتٸ تەكسەرۋ كەزٸندە مايونەز قورابىنان SIM-كارتاسى بار ۇيالى تەلەفون تەركٸلەنگەن.
«تەرگەۋ بارىسىندا تاپسىرىس يەسٸ وسىنداعى ۇرلىق جاساعانى ٷشٸن سوتتالعان ادام ەكەنٸ بەلگٸلٸ بولدى. ەندٸ ونىڭ سىرتتتاعىلارمەن بايلانىسى شەكتەلەدٸ. ال تاپسىرىستى جەتكٸزۋشٸ ەكٸمشٸلٸك قۇقىق بۇزۋ تۋرالى كودەكستٸڭ 481-بابى بويىنشا جاۋاپقا تارتىلدى», - دەيدٸ قىزىلوردا وبلىسى بويىنشا قاجد باستىعى شايمەردەن ەسكەنكەلديەۆ.
ونىڭ ايتۋىنشا, قىزىلوردا وبلىسىندا قاج اۋماقتىق دەپارتامەنتٸنە قاراستى 3 مەكەمە بار.
ول سونداي-اق, قۇرىلىس ماتەريالى ارقىلى ەسٸرتكٸ كٸرگٸزۋ سيياقتى قىلمىستىق ەرەكەتتەر وبلىس اۋماعىندا بٸرٸنشٸ رەت تٸركەلٸپ وتىرعانىن, بۇدان بىلاي اباقتى اۋماعىنداعى جۇمىس بەرۋشٸلەردٸڭ قىزمەتٸنە قاتاڭ باقىلاۋ ورناتىلاتىنىن ايتتى.
