قىزىلوردا وبلىسىنىڭ جاڭاقورعان اۋدانى كارانتينگە جابىلادى. بۇل جٶنٸندە ايماق ەكٸمٸ گٷلشارا ەبدٸقالىقوۆانىڭ ايماقتا كورونوۆيرۋس ٸندەتٸنەن قالىپتاسقان جاعدايعا بايلانىستى تۇرعىندارعا ٷندەۋٸندە ايتىلدى, دەپ حابارلايدى "ۇلت اقپارات".
«قازٸرگٸ ۋاقىتتا قىزىلوردا وبلىسىندا كورونوۆيرۋس ٸندەتٸمەن اۋىرعان 18 ازامات تٸركەلدٸ. جاعداي كٷردەلەنە تٷسۋدە. قازٸرگٸ تاڭدا بۇل ازاماتتاردىڭ 5-ەۋٸ وبلىستىق جۇقپالى اۋرۋلار اۋرۋحاناسىنا, 13-ٸ جاناقورعان اۋدانارالىق اۋرۋحاناسىنا جاتقىزىلدى. وسى ناۋقاستارمەن قارىم-قاتىناستا بولعان 388 ادام انىقتالدى. ونىڭ ٸشٸندە 101-ٸ تىعىز قارىم-قاتىناستا بولعان. بارلىق ازاماتتار كارانتيندٸك باقىلاۋعا الىندى. نەگٸزٸنەن ەڭ العاشقى انىقتالعان اداممەن قارىم-قاتىناستا بولعان ناۋقاس ارقىلى 13 ادامعا ۆيرۋس جۇققان» - دەدٸ وبلىس ەكٸمٸ.
اتاپ ٶتٸلگەندەي, بٷگٸن جاڭادان تٸركەلگەن 9 ادامنىڭ 8-ٸ بٸر ٷيدٸڭ تۇرعىندارى. ونىڭ ٸشٸندە 3-ەۋٸ 14 جاسقا دەيٸنگٸ بالالار.
«قازٸر بارلىق قاجەتتٸ ٸس-شارالار قولعا الىنۋدا. قارىم-قاتىناستا بولعان ادامدار انىقتالىپ, وقشالانۋدا. ٸندەت انىقتالعان جەرلەر ەسكەريلەر مەن جەرگٸلٸكتٸ مەكەمەلەر ارقىلى زالالسىزداندىرىلادى. قالىپتاسقان جاعدايعا بايلانىستى جاڭاقورعان اۋدانىن كارانتينگە جابۋ تۋرالى تاپسىرما بەرٸلدٸ. كٶلٸكتەردٸڭ كٸرٸپ-شىعۋىنا بارىنشا شەكتەۋ قويىلۋى تيٸس. ازاماتتاردىڭ قاۋٸپسٸزدٸگٸ ٷشٸن وسىنداي شارالار قولدانۋىمىز قاجەت», - دەدٸ گ.ەبدٸقالىقوۆا.
«قۇرمەتتٸ قىزىلوردالىقتار, كورونوۆيرۋس ٸندەتٸنٸڭ تارالۋىنىڭ الدىن الۋ تالاپتارىن قاتاڭ ساقتاۋعا تيٸسپٸز. قازٸر كەز كەلگەن ادام ۆيرۋس جۇقتىرۋى مٷمكٸن. بارلىق تۇرعىندار دەرتتەن وقشاۋلانعانى دۇرىس. ەلدٸ جٶنسٸز دٷرلٸكتٸرمەس ٷشٸن رەسمي اقپاراتتارعا سٷيەنۋٸمٸز قاجەت. تٶتەنشە جاعداي تالاپتارىن بۇزعاندارعا زاڭ اياسىندا قاتاڭ شارالار قولدانىلاتىنىن ەسكەرتەمٸن», - دەدٸ ايماق باسشىسى.
ٶڭٸردٸڭ باس سانيتارلىق دەرٸگەرٸنٸڭ قاۋلىسىنا سەيكەس 2020 جىلدىڭ 31 ناۋرىزى ساعات 00:00-دەن باستاپ, 2020 جىلدىڭ 15 سەۋٸرٸ ساعات 07:00-گە دەيٸن قىزىلوردا قالاسىندا كارانتين جەنە قىزىلوردا وبلىسى اۋماعى بويىنشا شەكتەۋ شارالارى ەنگٸزٸلەدٸ.
وسى ۋاقىتتا وبلىستا كوروناۆيرۋس ٸندەتٸنٸڭ راستالعان 18 وقيعاسى تٸركەلدٸ.
