قىزىلوردا وبلىسىندا تاعى بٸر سۋ قويماسى سالىنادى, دەپ حابارلايدى "ۇلت اقپارات".
بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ Facebook پاراقشاسىندا ٶتكەن تٸكەلەي ەفيردەگٸ «قازسۋشار» رمك قىزىلوردا فيليالىنىڭ ديرەكتورى حاميت بيٸمبەتوۆ مەلٸمدەدٸ.
«قاراٶزەك اۋىلىندا تاعى بٸر جاڭا سۋ قويماسى سالىنادى. جوبالىق سمەتالىق قۇجات بيىل ساراپتاماعا بەرٸلەدٸ. كەلەر جىلى قارجى مەسەلەسٸ شەشٸلۋٸ تيٸس», - دەپ اتاپ ٶتتٸ حاميت بيٸمبەتوۆ.
ول قىزىلوردا سۋ تورابىنداعى جٶندەۋ جۇمىستارى تۋرالى دا ايتتى.
«قىزىلوردا سۋ تورابىن جٶندەۋگە 2020 جىلعا 481 ملن تەڭگە, 2021 جىلعا 1 ملرد 420 مىڭ تەڭگە, 2022 جىلعا 709 ملن تەڭگە قاراستىرىلعان. سول جاق ماگيسترال كانالىندا بەتون جۇمىستارى جٷرگٸزٸلۋدە. 2022 جىلى بارلىق جۇمىس بٸتۋٸ تيٸس. اتالعان سۋ تورابى 1956 جىلى پايدالانۋعا بەرٸلسە, بۇعان دەيٸن كەشەندٸ جٶندەۋدەن ٶتپەگەن ەدٸ. بۇدان بٶلەك ايتەك, جيدەلٸ سۋ قويمالارى جٶندەلۋدە. ولاردىڭ جۇمىسى 2020 جىلدىڭ سوڭىنا دەيٸن اياقتالادى. جيدەلٸ جەلتوقساننىڭ باسىندا ٸسكە قوسىلادى», - دەدٸ فيليال باسشىسى.
حاميت بيٸمبەتوۆ بيىلعى ۆەگەتاتسييالىق كەزەڭنٸڭ قالاي ٶتكەنٸنە دە توقتالدى.
«بيىل ۆەگەتاتسييالىق كەزەڭ باسىندا كٶكساراي كونتررەگۋلياتورىنا 3 ملرد-تىڭ ورنىنا 2 ملرد تەكشە مەتر سۋ جينالىپ, 1 ملرد تەكشە مەتر جەتپەي ديحاندار ازداپ قينالدى. بٸراق ەكٸمدٸك كٷرٸش ەگۋ مەكەمەلەرٸمەن بٸرگە 300 كم ٸشكٸ كانالداردى تازالادى. بٸز 61 كم ماگيسترالدٸ كانالداردى تازالادىق. 90 مىڭ گەكتار كٷرٸش ەگٸلسە, سونىڭ بەرٸنە كەزەكپەن بەكٸتٸلگەن كەستە بويىنشا ٷلەستٸرە وتىرىپ, سۋ جەتكٸزە الدىق», - دەدٸ ول.
