بالىق شارۋاشىلىعى كوميتەتٸ قىزىلوردا وبلىسى ارال اۋدانى بٶگەن اۋىلدىق وكرۋگٸنە قاراستى قاراشالاڭ سۋ ايدىنىنا سىردارييا ٶزەنٸنەن سۋ الاتىن كانالدىڭ (ساعىنباي كانالى, جەرگٸلٸكتٸ حالىق كٶگٸش دەپ اتايدى) بويىندا بالىق شاباقتارىنىڭ قىرىلۋى فاكتٸسٸن تەكسەردٸ, دەپ حابارلايدى قازاقپارات.
ەسكە سالا كەتەيٸك, بٸز بۇعان دەيٸن قىزىلوردا وبلىسىندا بالىق قىرىلعانىن حابارلاعان بولاتىنبىز.
«بالىق شاباقتارىنىڭ جاپپاي قىرىلۋىنا بايلانىستى 19 اقپان كٷنٸ وسىعان دەيٸن بەكٸتٸلگەن 2021-2023 جىلدار ارالىعىنداعى قىس مەزگٸلٸندە بالىق شارۋاشىلىعى سۋ ايدىندارىندا جەنە (نەمەسە) ۋچاسكەلەرٸندە بالىقتاردىڭ جاپپاي قىرىلۋ قاتەرٸنە جول بەرمەۋ جٶنٸندەگٸ ٸس-شارالار جوسپارىنا سەيكەس, قۇزىرلى ورگاندارمەن بٸرگە زەردەلەۋ جۇمىسىن جٷرگٸزدٸ. جالپى كٶلەمٸ بويىنشا كانال ۇزىندىعى - 1,2 كم جۋىق, ەنٸ - 16 م. زەرتتەۋ بارىسىندا كانال بويىنان بٸرنەشە ويىق ويىلىپ, بالىق قىرىلعانى (تورتا, تابان, اقبالىق) انىقتالدى. كانال بويىنداعى قىرىلعان بالىق شاباقتارىنىڭ جالپى سالماعى 975,2 كگ, ەڭ كٸشٸ ۇزىندىعى -4,5 سم, ەڭ ٷلكەنٸ-10 سم. زەرتتەۋ جٷرگٸزۋ كٷنٸ سۋداعى وتتەگٸ مٶلشەرٸ 3,5 مگ/دم³, تەمپەراتۋراسى 2,5 ºس, ورتاشا تەرەڭدٸگٸ 2,5 م قۇراعان. عىلىمي ۇيىمنىڭ مامانى ٶزٸنٸڭ الدىن الا تۇجىرىمداماسىندا وتتەگٸنٸڭ ازدىعى بالىقتار تٸرشٸلٸگٸ ٷشٸن قولايسىز ەكەندٸگٸن بٸلدٸرگەن» دەپ مەلٸم ەتتٸ كوميتەتتەن.
سونىمەن قاتار, بٶگەن اۋىلدىق وكرۋگٸنٸڭ ۆەتەرينارييا پۋنكتٸنٸڭ قىزمەتكەرلەرٸ بالىقتىڭ جەنە قىزىلوردا وبلىسى بويىنشا ەكولوگييا دەپارتامەنتٸنٸڭ قىزمەتكەرلەرٸ سۋ سىناماسىن الىپ, ساراپتاما جٷرگٸزٸپ جاتىر.
ونىڭ نەتيجەسٸ قوسىمشا جارييالانادى.
قازٸرگٸ تاڭدا بالىقتاردىڭ تٸرشٸلٸك ەتۋ جاعدايىن جەنە بالىق رەسۋرستارىن ساقتاپ قالۋ ماقساتىندا جەرگٸلٸكتٸ ارتقارۋشى ورگاندارمەن ويىق جاساۋ (وتتەگٸ بەرۋ ٷشٸن) جۇمىسى جٷرگٸزٸلٸپ جاتقانىن ايتا كەتۋ قاجەت.
