قىزىلوردا وبلىسىنىڭ سىردارييا اۋدانىندا تٶتەنشە جاعداي جارييالاندى. بۇل ٶڭٸردە ٶزەن ارناسىنان اسىپ, ەكٸ جارىم مىڭ گەكتار ايماقتى سۋ باسىپ قالعان. قۇتقارۋشىلار جارىلعان بٶگەتتٸ بٸتەپ ٷلگەرمەي جاتىر. ەگەر جولىن بٶگەمەسە, ٸرگەسٸندەگٸ قالجاناحۋن اۋىلى دا سۋ استىندا قالۋى مٷمكٸن.
ەگٸس ەگۋگە ەرتە بولسا دا, سىر بويىنداعى كٷرٸششٸلەر امالسىزدان القاپقا تٷنەپ جٷر. دالادا اس ٸشٸپ, بٸرنەشە كٷننەن بەرٸ ٷي كٶرمەگەن. ٶيتكەنٸ, دارييانىڭ الاسيىر ارناسىنداعى بٶگەت جارىلعان. ەندٸ شارۋالار شاش ەتەكتەن شىعىنعا باتتىق دەپ وتىر. سۋ باسقان ەگٸس القابىن قۇرعاتۋ بىلاي تۇرسىن, كٶكتەمدە ىلعالدى جەرگە تۇقىم سەبۋدٸڭ ٶزٸ قيىن.
باقىتجان كٷشٸكباەۆ, شارۋا قوجالىعىنىڭ بريگاديرٸ:
- قاپتاپ شانامەن تاسىپ جاتىر. قولدان كەلگەن جۇمىستى ٸستەپ جاتىر. سۋ الىپ كەتتٸ. وعان قوسا قانشاما تەحنيكا كەرەك. ول پەلەنباي ميلليون اقشا.
سىردارييادان تاسىعان سۋ ەگٸس القابى مەن جايلىمدى باسىپ قالدى. ەگەر جارىلعان بٶگەت شۇعىل بٸتەلمەسە, ٸرگەدە جاتقان قالجاناحۋىن اۋىلىن شايىپ كەتۋٸ مٷمكٸن ەكەن.
باقىتجان لەكەروۆ, سىردارييا اۋدانى ەكٸمٸنٸڭ ورىنباسارى:
- بۇزىلعان قورعانىس بٶگەتتەرٸن قالپىنا كەلتٸرگەنٸمەن داريياداعى سۋدىڭ كٶلەمٸ كٷرت كٶتەرٸلٸپ, قايتادان 9 جەردەن دامبانى بۇزىپ كەتتٸ. كٶكتەمگە دەيٸن بٶگەتتٸ قالپىنا كەلتٸرمەسە شارۋاشىلىقتىڭ تٷگەلدەي ەگٸس كٶلەمٸن سۋ الىپ كەتٸپ, قالجان احۋن اۋىلىنا قاۋٸپ تٶنۋٸ مٷمكٸن.
ماماندار ٶزەن بويىنا قاتقان مۇزدىڭ كەسٸرنەن سۋ ارناسىنان تاسىعانىن ايتادى. ەگەر ايازدىڭ بەتٸ قايتپاسا, داريياداعى مۇزدى جارۋعا تۋرا كەلەدٸ.
سەرٸك سەرماعانبەتوۆ, قىزىلوردا وبلىستىق جۇمىلدىرۋ دايىندىعى باسقارماسىنىڭ باسشىسى:
- ەگەر مۇز كەپتەلٸسٸ پايدا بولىپ, ارناسىنان سۋ شىعىپ كەتٸپ جاتقان جاعدايدا بٸز مۇز جارۋ جۇمىستارىن جٷرگٸزەتٸن بولامىز.
دەل وسىنداي تٶتەنشە جاعدايدىڭ بولارىن سينوپتيكتەر الدىن الا ەسكەرتتٸك دەپ وتىر. بٸراق وعان قىزىلوردالىق قۇتقارۋشىلار قۇلاق اسپاعان سيياقتى.
ديدار جەنٸبەكۇلى: «قازگيدرومەت» ورتالىعى گيدرولوگييا دەپارتامەنتٸنٸڭ ديرەكتورى:
- بۇرىن اقپاندا سۋ تاسقىنى تٸركەلمەيتٸن. بٸراق ٶزەندەر مۇز بولىپ قاتۋىنا بايلانىستى ارناسىنان اسىپ جاتىر. مۇنداي جاعداي قىزىلوردا وبلىسىندا تٸركەلدٸ. «قازگيدرومەت» قىزىلوردا وبلىسى مەن ونداعى تٶتەنشە جاعدايلار دەپارتامەنتٸن الدىن الا ەسكەرتكەن بولاتىن.
قاتقان مۇزدىڭ كەسٸرٸنەن جاڭا جىل قارساڭىندا عانا ٶزەن ارناسىنان تاسىعان ەدٸ. ول كەزدە قىزىلوردانىڭ ٸرگەسٸندە ورنالاسقان ساياجايداعى ٷيلەردٸ سۋ باستى.
كتك
