قىزىلوردا وبلىسىندا جاڭا وقۋ جىلىندا 8 وقۋشى كوروناۆيۋس ينفەكتسيياسىن جۇقتىردى, دەپ حابارلايدى "ۇلت اقپارات".
بٷگٸنگٸ كٷنگە دەيٸن وبلىستا كوروناۆيرۋس ينفەكتسيياسىن جۇقتىرعان 3289 ادام تٸركەۋگە الىنعان. ونىڭ ٸشٸندە 14 جاسقا دەيٸنگٸ بالالار - 192, 15-19 جاس ارالىعىنداعى جاسٶسپٸرٸمدەر -55 ادام.
جاڭا وقۋ جىلىندا وبلىستا 8 وقۋشى كوروناۆيۋس ينفەكتسيياسىن جۇقتىردى. ونىڭ بٸرەۋٸ دەنساۋلىق جاعدايىنا بايلانىستى ٷيدەن وقيتىن, 2005 جىلى دٷنيەگە كەلگەن قارماقشى اۋدانىنىڭ تۇرعىنى بولسا, قالعانى قاشىقتان بٸلٸم الادى. مەكتەپتە قاتەرلٸ ٸندەتتٸ جۇقتىرۋ دەرەگٸ تٸركەلگەن جوق.
«وبلىستىڭ باس مەملەكەتتٸك سانيتارييالىق دەرٸگەرٸنٸڭ 11 قاراشاداعى №26 قاۋلىسىنا سەيكەس 2020-2021 وقۋ جىلىنىڭ ەكٸنشٸ توقسانىنان باستاپ كونتينگەنتٸ 300 وقۋشىعا دەيٸنگٸ قالالىق جەنە اۋىلدىق مەكتەپتەردە, سىنىپتاعى بالالار سانىن 15 ادامنان اسىرماي دەستٷرلٸ فورماتتا وقىتۋعا رۇقسات بەرٸلگەن.
سونداي-اق, اتا-انالار ٶتٸنٸشٸ بويىنشا سىنىپتاعى وقۋشى سانىن 15 بالادان اسىرماي, جالپى بٸلٸم بەرەتٸن مەكتەپتەردە 1 سىنىپتان 5 سىنىپ بويىنشا وقىتۋعا بولادى. ال حالىقارالىق مەكتەپتەردە 7 سىنىپقا دەيٸن كەزەكشٸ سىنىپتاردا وقىتۋعا رۇقسات بەرٸلدٸ», - دەدٸ قىزىلوردا وبلىسى سانيتارلىق-ەپيدەميولوگييالىق باقىلاۋ دەپارتامەنتٸ.
ۆەدومستۆو مەلٸمەتٸنشە, قاۋلىعا سەيكەس وبلىستا دەستٷرلٸ فورماتتا وقىتۋعا قوسىمشا 47 مەكتەپ كٶشكەن. بيىلعى وقۋ جىلىنىڭ ەكٸنشٸ توقسانىندا وبلىس بويىنشا 121 مەكتەپتە 19 314 وقۋشى دەستٷرلٸ فورماتتا بٸلٸم السا, 179 مەكتەپتە 117 190 وقۋشى قاشىقتان وقىتىلۋدا.
