الماتى وبلىسىندا وسىدان 10 جىل بۇرىن بٶگەتٸ جارىلىپ, ٸستەن شىققان قىزىلاعاش سۋ قويماسى قالپىنا كەلتٸرٸلدٸ. بيىل بۇل سۋ قويماسىنان اقسۋ اۋدانىنىڭ سۋارمالى القاپتارىنا تٸرشٸلٸك نەرٸ جٸبەرٸلەدٸ, دەپ حابارلايدى "ۇلت اقپارات".
قىزىلاعاش سۋ قويماسىن قالپىنا كەلتٸرۋ جۇمىستارى 2016-2019 جىلدارى ارالىعىندا جٷرگٸزٸلدٸ. جوبا قۇنى 5,6 ملرد تەڭگە. باس مەردٸگەر «قازسۋشار» رمك الماتى فيليالى. قازٸرگٸ تاڭدا بارلىق مەحانيكالىق جۇمىستار اياقتالدى. الداعى ۋاقىتتا اۆتوماتتاندىرۋ بويىنشا جابدىقتار ورناتىلماق.
«بيٸكتٸگٸ 55 مەتر بٶگەت سالىنىپ, بارلىق تالاپتارعا ساي بەكٸتٸلدٸ. سۋقويما جانىنان جۇمىسشىلارعا ەكٸ پەتەرلٸ ەكٸ ٷي جەنە تٶمەندەگٸ سۋ تاراتۋ تورابىنان ەكٸ پەتەرلٸ ەكٸ ٷي سالىندى. قىزىلاعاشتىڭ جالپى سىيىمدىلىعى 42 ملن تەكشە مەتر. بيىل 20 ملن تەكشە مەتر سۋ جيناپ, اقسۋ اۋدانىنىڭ 4 مىڭ گەكتار القابىن سۋمەن قامتاماسىز ەتۋ جوسپارلانعان», - دەيدٸ «قازسۋشار» رمك الماتى فيليالى باسشىسى سمايىل كۋمەتوۆ.
ەستەرٸڭٸزگە سالا كەتەيٸك, 2010 جىلى ناۋرىزدىڭ 11-نەن 12-ٸنە قاراعان تٷنٸ تولاسسىز جاۋعان قار مەن جاڭبىر سالدارىنان قىزىلاعاش سۋ قويماسى جارىلىپ, قىزىلاعاش اۋىلىن شايىپ كەتكەن ەدٸ. قايعىلى وقيعا سالدارىنان 45 ادام قازا تاۋىپ, 460-تان استام ٷي جەرمەن-جەكسەن بولدى. قازاقستان حالقىنىڭ ۇيىمشىلدىعى مەن ٶڭٸر باسشىلىعىنىڭ جەدەل ەرەكەتٸنٸڭ ارقاسىندا جاڭادان ٷيلەر سالىنىپ, تۇرعىندار 1,5-2 ايدىڭ ٸشٸندە قايتا اۋىلعا ورالدى.
