فوتو: aikyn.kz
فۋتبولدان قازاقستاننىڭ 19 جاسقا دەيٸنگٸ جاستار قۇراماسى ۋكرايناعا قارسى شەشۋشٸ ماتچتا 3:0 ەسەبٸمەن جەڭٸلٸس تاپتى, دەپ حابارلايدى Ult.kz.
ويىننىڭ ەڭ داۋلى سەتٸ 30-مينۋتتا بولدى. قازاقستاندىق قاقپاشى شەرحان قالمىرزا ايىپ الاڭىنان تىس جەردە قارسىلاس ويىنشىنى توقتاتۋعا ەرەكەت جاساپ, باس تٶرەشٸ بٸردەن وعان قىزىل قاعاز كٶرسەتتٸ. وسىدان كەيٸن بٸزدٸڭ كوماندا ماتچتىڭ قالعان بٶلٸگٸن 10 ويىنشىمەن جالعاستىرۋعا مەجبٷر بولدى.
سان باسىمدىعىن تيٸمدٸ پايدالانعان ۋكراينا قۇراماسى ويىن تاعدىرىن تولىق ٶز باقىلاۋىنا الىپ, ٸرٸكتەۋ كەزەڭٸندەگٸ ماڭىزدى كەزدەسۋدە قازاقستاندى ۇپايسىز قالدىردى.
ماتچتان كەيٸن شەرحاننىڭ اناسى سەۋلە راباەۆا تٶرەشٸنٸڭ شەشٸمٸنە اشىق تٷردە نارازىلىق بٸلدٸردٸ. ونىڭ ايتۋىنشا, مۇنداي ماڭىزدى ويىندار مٸندەتتٸ تٷردە تٸكەلەي ەفيردە كٶرسەتٸلۋٸ تيٸس.
“وسىنداي ماتچتاردى حالىققا كٶرسەتۋ كەرەك. داۋلى سەتتەر بولعاندا بەينەقايتالاۋ ارقىلى تٶرەشٸنٸڭ شەشٸمٸ ەدٸل مە, جوق پا — بەرٸ انىق كٶرٸنەر ەدٸ”, – دەدٸ ول.
ايتا كەتەيٸك, بۇل كەزدەسۋدە تٶرەلٸك ەتكەن قازىلار القاسىن نيدەرلاندتىق تٶرەشٸ دجوۋي كوەي باسقاردى. بۇعان دەيٸن قازاقستان قۇراماسى رۋمىنييانى 2:0 ەسەبٸمەن جەڭٸپ, تۋرنيرلٸك كەستەدە بٸرٸنشٸ ورىنعا كٶتەرٸلگەن بولاتىن.
ەندٸ U-19 قۇراماسى 31 ناۋرىز كٷنٸ سولتٷستٸك يرلاندييا جاسٶسپٸرٸمدەر كومانداسىنا قارسى الاڭعا شىعادى. ەۋرو-2026 تۋرنيرٸنٸڭ فينالدىق كەزەڭٸنە تەك توپ جەڭٸمپازى عانا جولداما الادى.
