Foto: aikyn.kz
Fýtboldan Qazaqstannyń 19 jasqa deiingi jastar quramasy Ýkrainaǵa qarsy sheshýshi matchta 3:0 esebimen jeńilis tapty, dep habarlaidy Ult.kz.
Oiynnyń eń daýly sáti 30-minýtta boldy. Qazaqstandyq qaqpashy Sherhan Qalmyrza aiyp alańynan tys jerde qarsylas oiynshyny toqtatýǵa áreket jasap, bas tóreshi birden oǵan qyzyl qaǵaz kórsetti. Osydan keiin bizdiń komanda matchtyń qalǵan bóligin 10 oiynshymen jalǵastyrýǵa májbúr boldy.
San basymdyǵyn tiimdi paidalanǵan Ýkraina quramasy oiyn taǵdyryn tolyq óz baqylaýyna alyp, irikteý kezeńindegi mańyzdy kezdesýde Qazaqstandy upaisyz qaldyrdy.
Matchtan keiin Sherhannyń anasy Sáýle Rabaeva tóreshiniń sheshimine ashyq túrde narazylyq bildirdi. Onyń aitýynsha, mundai mańyzdy oiyndar mindetti túrde tikelei efirde kórsetilýi tiis.
“Osyndai matchtardy halyqqa kórsetý kerek. Daýly sátter bolǵanda beineqaitalaý arqyly tóreshiniń sheshimi ádil me, joq pa — bári anyq kóriner edi”, – dedi ol.
Aita keteiik, bul kezdesýde tórelik etken qazylar alqasyn niderlandtyq tóreshi Djoýi Koei basqardy. Buǵan deiin Qazaqstan quramasy Rýmyniiany 2:0 esebimen jeńip, týrnirlik kestede birinshi orynǵa kóterilgen bolatyn.
Endi U-19 quramasy 31 naýryz kúni Soltústik Irlandiia jasóspirimder komandasyna qarsy alańǵa shyǵady. Eýro-2026 týrniriniń finaldyq kezeńine tek top jeńimpazy ǵana joldama alady.
