اتىراۋ وبلىسىندا ەكٸ كٷندە 654 ادام كوروناۆيرۋس ينفەكتسيياسىن جۇقتىردى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, 12 شٸلدەدە 334, ال, كەشە, 13 شٸلدەدە 320 ادامنان قاۋٸپتٸ ۆيرۋستىڭ بەلگٸسٸ انىقتالعان.
ەكٸ كٷندە اتىراۋ قالاسىندا 495 ناۋقاس انىقتالعان.
ال, تەڭٸز كەنٸشٸندە - 26, جىلىوي اۋدانىندا - 40, يندەردە – 24, قۇرمانعازىدا – 22, يساتايدا – 17, ماحامبەتتە – 13, قىزىلقوعادا – 11, ماقات اۋدانىندا 6 ادام كوروناۆيرۋس ينفەكتسيياسىنا شالدىققان.
«قازٸر ينفەكتسييالىق ستاتسيونارلاردا 824 ناۋقاس قاۋٸپتٸ ۆيرۋسقا قارسى ەم قابىلداپ جاتىر. ونىڭ ٸشٸندە مودۋلدٸك اۋرۋحانادا 194, اۋداندارداعى ستاتسيونارلاردا 184, №2 وبلىستىق اۋرۋحانادا 172, كارديولوگييالىق ورتالىقتا 109, فتيزيوپۋلمانولوگييالىق ورتالىقتا 91 پاتسيەنت وقشاۋلاندى. سونداي-اق, تەڭٸز كەن ورنىنداعى ستاتسيوناردا 74 ادام ەمدەلۋدە. بۇعان قوسا, ٷيٸندە ەمدەلۋ ٷشٸن وقشاۋلانعان ناۋقاستار سانى – 1 282 ادام» دەپ حابارلادى باسقارمانىڭ باسپاسٶز قىزمەتٸنەن.
