Atyraý oblysynda eki kúnde 654 adam koronavirýs infektsiiasyn juqtyrdy, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmetinen málim etkendei, 12 shildede 334, al, keshe, 13 shildede 320 adamnan qaýipti virýstyń belgisi anyqtalǵan.
Eki kúnde Atyraý qalasynda 495 naýqas anyqtalǵan.
Al, Teńiz kenishinde - 26, Jylyoi aýdanynda - 40, Inderde – 24, Qurmanǵazyda – 22, Isataida – 17, Mahambette – 13, Qyzylqoǵada – 11, Maqat aýdanynda 6 adam koronavirýs infektsiiasyna shaldyqqan.
«Qazir infektsiialyq statsionarlarda 824 naýqas qaýipti virýsqa qarsy em qabyldap jatyr. Onyń ishinde modýldik aýrýhanada 194, aýdandardaǵy statsionarlarda 184, №2 oblystyq aýrýhanada 172, kardiologiialyq ortalyqta 109, ftiziopýlmanologiialyq ortalyqta 91 patsient oqshaýlandy. Sondai-aq, Teńiz ken ornyndaǵy statsionarda 74 adam emdelýde. Buǵan qosa, úiinde emdelý úshin oqshaýlanǵan naýqastar sany – 1 282 adam» dep habarlady basqarmanyń baspasóz qyzmetinen.
