قازاقستان رەسپۋبليكاسى مەملەكەتتٸك قىزمەت ٸستەرٸ اگەنتتٸگٸنٸڭ ماڭعىستاۋ وبلىسى بويىنشا دەپارتامەنتٸنٸڭ ٶكٸلدەرٸ جاڭاٶزەن قالاسىنىڭ ەكٸمٸ ماقسات يباعاروۆتىڭ ەدەپ كودەكسٸ نورمالارىن بۇزباعانىن ايتتى, دەپ حابارلايدى "ۇلت اقپارات".
18 قىركٷيەكتە Facebook ەلەۋمەتتٸك جەلٸسٸندە تٷنگٸ ۋاقىتتا اقتاۋ قالاسىنداعى «Tofu» كافەسٸ ماڭىندا ماڭعىستاۋ وبلىسى ەكٸمدٸگٸنٸڭ ٸس باسقارماسى كوممۋنالدىق مەملەكەتتٸك مەكەمەسٸنە قاراستى مەملەكەتتٸك نٶمەرٸ R106RK12 ماركالى قىزمەتتٸك كٶلٸكتٸڭ جٷرگەنٸ جەنە سول جەردە جاڭاٶزەن قالاسىنىڭ ەكٸمٸ ماقسات يباعاروۆتىڭ بولعانى تۋرالى جازبا جارييالانعان ەدٸ.
وسىعان وراي, 20 قىركٷيەك كٷنٸ ماڭعىستاۋ وبلىسى ەكٸمٸنٸڭ اتىنا ۇسىنىس حات جولدانىپ, ورىن العان كەمشٸلٸكتٸ بولدىرماۋ, سونداي-اق وسى وقيعا بويىنشا مەن-جايدى انىقتاۋ ماقساتىندا قىزمەتتٸك تەرگەپ-تەكسەرۋ جٷرگٸزٸپ, تيٸستٸ تۇلعالاردىڭ جاۋاپكەرشٸلٸگٸن قاراۋ ۇسىنىلدى. ماڭعىستاۋ وبلىسى ەكٸمٸنٸڭ اپپاراتى اتالعان ۇسىنىس حات نەگٸزٸندە مەن-جايدى حابارلادى.
اتاپ ايتقاندا, مەملەكەتتٸك تٸركەۋ نٶمٸرٸ R106 RK12 «Toyota Land Cruiser» ماركالى قىزمەتتٸك اۆتوكٶلٸك 17 قىركٷيەكتە سەنٸمحات بويىنشا جاڭاٶزەن قالاسى ەكٸمٸنٸڭ اپپاراتىنىڭ ٶكٸلٸ س.قاسىقباەۆقا اكتٸ نەگٸزٸندە تاپسىرىلعان. ال جاڭاٶزەن قالاسىنىڭ ەكٸمٸ م.يباعاروۆ 17-18 قىركٷيەكتە نۇر-سۇلتان قالاسىندا ٸسساپاردا بولعان.
وسى دەرەككە قاتىستى قالا ەكٸمٸ م. يباعاروۆ ٶز تٷسٸنٸكتەمەسٸندە 18 قىركٷيەكتە ٸس-ساپاردان كەلگەن كەزٸندە ەۋەجايدان اتالعان قىزمەتتٸك كٶلٸك كٷتٸپ العانىن ايتقان. ول جاڭاٶزەن قالاسىنا دەيٸن جول ۇزاق بولعاندىقتان تاماق ٸشۋگە اقتاۋ قالاسىنداعى شاعىن كافەگە كٸرگەن. سول جەردە جول-پاترۋل پوليتسييا قىزمەتكەرلەرٸ جۇمىستان تىس ۋاقىتتا جٷرۋگە بولمايتىنىن تٷسٸندٸرٸپ, كٶلٸكتٸ ايىپ تۇراعىنا الىپ كەتكەن.
بۇل ورايدا قىزمەتتٸك اۆتوكٶلٸك جاڭاٶزەن قالاسى ەكٸمٸ اپپاراتىنىڭ بالانسىنا ٶتكەندٸكتەن سول مەكەمە جٷرگٸزۋشٸسٸنٸڭ اتىنا جول پاراعى بەرٸلۋٸ تيٸس بولاتىن. الايدا اۆتوكٶلٸكتٸ تيٸستٸ جول قۇجاتتارى مەملەكەتتٸك مەكەمەنٸڭ اتىنان رەسٸمدەلمەگەن كٷيٸ ەۋەجايعا شىعىپ كەتٸپ, قۇجاتتارىنىڭ تولىق بولماعاندىقتان ايىپپۇل تۇراعىنا جابىلعان.
وسىعان وراي, اپپارات باسشىسىنىڭ بۇيرىعىنا سەيكەس, اۆتوكٶلٸك قۇجاتتارىن تولىق رەسٸمدەمەگەنٸ ٷشٸن قىزمەتشٸ س.قاسىقباەۆقا ەسكەرتۋ تٷرٸندە تەرتٸپتٸك جازا قولدانىلعان.
نەتيجەسٸندە جاڭاٶزەن قالاسىنىڭ ەكٸمٸ م.يباعاروۆتىڭ تاراپىنان ەدەپ كودەكسٸ نورمالارىن بۇزۋ دەرەگٸ انىقتالماعان دەگەن قورىتىندى شىقتى.
ەسكە سالا كەتەيٸك, وسىعان دەيٸن جاڭاٶزەن قالاسى ەكٸمٸنٸڭ قىزمەت كٶلٸگٸ ايىپ تۇراعىنا قويىلعانىن حابارلاعان ەدٸك.
