فوتو: Polisia.kz
ٸشكٸ ٸستەر مينيسترلٸگٸ وتان قورعاۋشى كٷنٸ مەن ۇلى جەڭٸستٸڭ 80 جىلدىعىن اتاپ ٶتتٸ, دەپ حابارلايدى Ult.kz.
قوس مەرەكەگە ارنالعان دۋماندى شاراعا ارداگەرلەر, تىل ەڭبەككەرلەرٸ, پوليتسييا قىزمەتكەرلەرٸ مەن ۇلاندىقتار قاتىستى. جينالعان كٶپشٸلٸكتٸ مينيستر ەرجان سادەنوۆ قۇتتىقتادى.
ٸٸم ٶكٸلدەرٸ ۇلى وتان سوعىسىنىڭ ارداگەرٸ, عۇمىرىن ٸشكٸ ٸستەر سالاسىنا ارناعان قۇرمات راحيموۆتى ماراپاتتادى.
فوتو: Polisia.kz
پوليتسەيلەر مەن ارداگەرلەردەن بٶلەك, بۇل كٷنٸ قىزمەت بابىندا ەرلٸكپەن قازا تاپقان تەرتٸپ ساقشىلارىنىڭ ەسٸمٸ ۇلىقتالدى. ولاردىڭ قاتارىندا جەلەلحان مۇرىمباەۆ پەن يۆات مۋمباەۆ بار. ايبىندى ەرلەردٸڭ تۋىستارىنا مەملەكەتتٸك ماراپات تابىستالدى.
فوتو: Polisia.kz
ميليتسييا سەرجانتى يۆات مۋمباەۆ ٸشكٸ ٸستەر ورگاندارىنا 1990 جىلى كەلگەن. ول 1992 جىلى ورال قالاسىندا ٷش بۇزاقىنى قۇرىقتاۋ كەزٸندە پىشاق جاراقاتىنان كٶز جۇمدى. جەلەلحان مۇرىمباەۆ تا پوگوندى ەڭبەك جولىن 1990 جىلى باستاعان. شىعىس قازاقستان وبلىسىندا قىزمەت ەتكەن ول 2001 جىلى قار قۇرساۋىندا قالىپ قويعان جولاۋشىلاردى قۇتقارىپ قازا تاپتى.
مەرەكەلٸك ٸس-شارا ارنايى كونتسەرتپەن جالعاستى. وتان قورعاۋشىلاردىڭ قۇرمەتٸنە ەسترادا جۇلدىزدارى ەن شىرقادى.
