Foto: Polisia.kz
Ishki ister ministrligi Otan qorǵaýshy kúni men Uly Jeńistiń 80 jyldyǵyn atap ótti, dep habarlaidy Ult.kz.
Qos merekege arnalǵan dýmandy sharaǵa ardagerler, tyl eńbekkerleri, politsiia qyzmetkerleri men ulandyqtar qatysty. Jinalǵan kópshilikti ministr Erjan Sadenov quttyqtady.
IIM ókilderi Uly Otan soǵysynyń ardageri, ǵumyryn ishki ister salasyna arnaǵan Qurmat Rahimovty marapattady.
Foto: Polisia.kz
Politseiler men ardagerlerden bólek, bul kúni qyzmet babynda erlikpen qaza tapqan tártip saqshylarynyń esimi ulyqtaldy. Olardyń qatarynda Jálelhan Murymbaev pen Ivat Mýmbaev bar. Aibyndy erlerdiń týystaryna memlekettik marapat tabystaldy.
Foto: Polisia.kz
Militsiia serjanty Ivat Mýmbaev ishki ister organdaryna 1990 jyly kelgen. Ol 1992 jyly Oral qalasynda úsh buzaqyny quryqtaý kezinde pyshaq jaraqatynan kóz jumdy. Jálelhan Murymbaev ta pogondy eńbek jolyn 1990 jyly bastaǵan. Shyǵys Qazaqstan oblysynda qyzmet etken ol 2001 jyly qar qursaýynda qalyp qoiǵan jolaýshylardy qutqaryp qaza tapty.
Merekelik is-shara arnaiy kontsertpen jalǵasty. Otan qorǵaýshylardyń qurmetine estrada juldyzdary án shyrqady.
