فوتو: "حابار" تەلەارناسى
ٸشكٸ ٸستەر مينيسترٸ مارات احمەتجانوۆ ەلورداداعى Kaspi بانك بٶلٸمشەسٸندە قىزمەتكەرلەردٸ كەپٸلگە العان باسقىنشىمەن كەلٸسسٶز قالاي جٷرگٸزٸلگەنٸن ايتتى, دەپ حابارلايدى Sputnik قازاقستان سايتى.
ٷكٸمەت كۋلۋارىندا جۋرناليستەر بانك قىزمەتكەرلەرٸن كەپٸلگە العان كٷدٸكتٸمەن نەگە مينيستردٸڭ ٶزٸ كەلٸسسٶز جٷرگٸزگەنٸن سۇرادى.
"ول جەردە مەنٸڭ ورىنباسارلارىم دا بولدى. بٶلٸمشەنٸڭ ٸشٸندە كەلٸسسٶز جٷرگٸزگەن ادامدار بولدى. مەن ٶزٸم باردىم, "قىزدى بوسات, مەن قالايىن" دەپ ەدٸم, بٸراق ول كٶنبەدٸ. برونەجيلەتپەن ٸشكە كٸرگٸزبەدٸ, شەشۋگە تۋرا كەلدٸ", - دەپ جاۋاپ بەردٸ احمەتجانوۆ.
ايتۋىنشا, باسقىنشىنىڭ تالاپتارى ەرتٷرلٸ بولعان.
قازٸر بۇل فاكتٸ بويىنشا تەرگەۋ جٷرٸپ جاتىر. ارنايى وپەراتسيياعا ٸٸم باسشىسىنىڭ ٶزٸ دە قاتىسقاندىقتان, ودان دا جاۋاپ الىنۋى مٷمكٸن.
سونداي-اق مينيستر كٷدٸكتٸنٸڭ بۇعان دەيٸن ۇرلىق جەنە الاياقتىق بويىنشا ٸستٸ بولعانىن ايتتى.
ەسكە سالساق, 18 ماۋسىمدا استاناداعى " Kaspi بانك" فيليالىن بەلگٸسٸز بٸرەۋ باسىپ الدى. تاپانشاعا ۇقساس زات ۇستاعان ەر ادام 7 ادامدى كەپٸلگە الىپ, بٸرنەشە تالاپ قويعان. كٷدٸكتٸمەن كەلٸسسٶز جٷرگٸزۋگە ٸٸم باسشىسى مارات احمەتجانوۆتىڭ ٶزٸ كەلدٸ.
كەيٸن قۇقىق قورعاۋ ورگاندارىنىڭ قىزمەتكەرلەرٸ بٶلٸمشەگە شابۋىل جاساپ, بانك قىزمەتكەرلەرٸن بوساتتى. ال كٷدٸكتٸ قولعا تٷستٸ.
پروكۋراتۋرانىڭ اقپاراتىنشا, 30 جاستاعى ەليحات مۇرادوۆ 2013 جىلدان بەرٸ ەسٸرتكٸگە تەۋەلدٸ ادامدار ەسەبٸندە تۇر. جامبىل وبلىسىنىڭ تۋماسى بانكتەن كرەديت تە العان. ەكٸ رەت قىلمىستىق ٸس بويىنشا كٷدٸكتٸ بولىپ تانىلعان.
بۇل فاكتٸ قىلمىستىق كودەكستٸڭ 261-بابى (ادامدى كەپٸلگە الۋ) بويىنشا تەرگەلٸپ جاتىر.
