قىتايلىق كومپانييا درون ورناتىلعان سمارتوندى پاتەنتتەدٸ

قىتايلىق Vivo كومپانيياسى درون تٷرٸندە ۇشىپ شىعۋى تيٸس كامەراسى بار سمارتفوندى پاتەنتتەدٸ. قۇرىلعى قاراپايىم سمارتفون سەكٸلدٸ, بٸراق ونىڭ جوعارعى بٶلٸگٸندە جىلجىمالى كونسترۋكتسيياسى بار, - دەپ حابارلايدى Tengrinews.kz.

سمارتفوننىڭ كونسترۋكتسيياسى دٷنيەجٷزٸلٸك ينتەللەكتۋالدىق مەنشٸك ۇيمىنىڭ (WIPO) سايتىنداعى پاتەنتتٸك ٶتٸنٸشتە سيپاتتالعان. سمارتفوننىڭ جوعارعى بٶلٸگٸندە ەكٸ كامەرا مەن ٷش ينفراقىزىل سەزبەگٸ بار شاعىن درون جاسىرىلعان. وسىنىڭ ارقاسىندا ەۋەدە فوتو تٷسٸرۋگە بولادى.

مۇنداي سمارتفون شىعارىلسا, ٶزٸڭٸزدٸ الىستان نەمەسە نىساندى قاشىقتىقتان تٷسٸرۋ مٷمكٸن بولماق. الايدا پاتەنتتە دروندى قالاي باسقارۋ تۋرالى اقپارات جوق. درون سمارتفون ارقىلى باسقارىلادى دەپ توپشىلاۋعا بولادى.