فوتو: قر مام
قىتايلىق تانىمال بلوگەر, Kazakh Tourism امباسسادورى تاو مينسيۋ (تاو تاو) قازاقستان رەسپۋبليكاسى پرەزيدەنتٸنٸڭ اتىنان «دوستىق» وردەنٸنٸڭ II دەرەجەسٸمەن ماراپاتتالدى, دەپ حابارلايدى Ult.kz.
ماراپات بلوگەرگە قازاقستاندى قىتايدىڭ مەديا كەڭٸستٸگٸندە ٸلگەرٸلەتۋگە, ەلدٸڭ مەدەني مۇراسى مەن تۋريستٸك ەلەۋەتٸن ناسيحاتتاۋعا, سونداي-اق ەكٸ ەل اراسىنداعى گۋمانيتارلىق بايلانىستاردى نىعايتۋعا قوسقان ٷلەسٸ ٷشٸن تابىستالدى.
تاو مينسيۋ – سپورت, تۋريزم جەنە مەدەنيەتتٸ ٷيلەستٸرە بٸلەتٸن جاڭا بۋىن digital-كرەاتورلاردىڭ بٸرٸ. ول 2017 جىلدان بەرٸ ات سپورتىمەن اينالىسىپ, كەسٸبي دەڭگەيدە اتقا مٸنۋ مەدەنيەتٸن دامىتۋعا ٷلەس قوسقان. ال 2020 جىلدان باستاپ ەلەۋمەتتٸك جەلٸلەردە ساياحات, مەدەنيەت جەنە lifestyle باعىتىندا كونتەنت جارييالاپ كەلەدٸ.
قازٸرگٸ تاڭدا ونىڭ Instagram, TikTok, Douyin, Weibo سيياقتى پلاتفورمالاردا شامامەن 10 ميلليونعا جۋىق جازىلۋشىسى بار. كونتەنتٸ جوعارى ساپالى ۆيزۋالمەن جەنە كەسٸبي پروداكشنىمەن ەرەكشەلەنەدٸ.
بلوگەر بۇعان دەيٸن قىتايداعى بٸرقاتار ٶڭٸرلەردٸڭ مەدەني تۋريزم ەلشٸسٸ اتانعان. 2025 جىلدىڭ مامىر ايىندا وعان «قازاقستان تۋريزمٸنٸڭ ەلشٸسٸ» مەرتەبەسٸ بەرٸلگەن.
تاو تاو قازاقستانعا العاش رەت 2024 جىلدىڭ قىركٷيەگٸندە كەلگەن. وسى ۋاقىت ٸشٸندە ول استانا, الماتى قالالارىندا, سونداي-اق اقمولا, الماتى, شىعىس قازاقستان جەنە ماڭعىستاۋ وبلىستارىندا بولىپ, جالپى قارالىمى 1 ميللياردتان اساتىن 100-دەن استام كونتەنت جارييالاعان.
بۇل ماراپات بلوگەردٸڭ زاماناۋي تسيفرلىق پلاتفورمالار ارقىلى قازاقستاننىڭ مەدەنيەتٸ مەن تۋريزمٸن حالىقارالىق دەڭگەيدە ناسيحاتتاۋعا قوسقان ٷلەسٸنٸڭ جوعارى باعالانعانىن كٶرسەتەدٸ.
