Foto: QR MAM
Qytailyq tanymal bloger, Kazakh Tourism ambassadory Tao Minsiý (Tao Tao) Qazaqstan Respýblikasy Prezidentiniń atynan «Dostyq» ordeniniń II dárejesimen marapattaldy, dep habarlaidy Ult.kz.
Marapat blogerge Qazaqstandy Qytaidyń media keńistiginde ilgeriletýge, eldiń mádeni murasy men týristik áleýetin nasihattaýǵa, sondai-aq eki el arasyndaǵy gýmanitarlyq bailanystardy nyǵaitýǵa qosqan úlesi úshin tabystaldy.
Tao Minsiý – sport, týrizm jáne mádenietti úilestire biletin jańa býyn digital-kreatorlardyń biri. Ol 2017 jyldan beri at sportymen ainalysyp, kásibi deńgeide atqa miný mádenietin damytýǵa úles qosqan. Al 2020 jyldan bastap áleýmettik jelilerde saiahat, mádeniet jáne lifestyle baǵytynda kontent jariialap keledi.
Qazirgi tańda onyń Instagram, TikTok, Douyin, Weibo siiaqty platformalarda shamamen 10 millionǵa jýyq jazylýshysy bar. Kontenti joǵary sapaly vizýalmen jáne kásibi prodakshnymen erekshelenedi.
Bloger buǵan deiin Qytaidaǵy birqatar óńirlerdiń mádeni týrizm elshisi atanǵan. 2025 jyldyń mamyr aiynda oǵan «Qazaqstan týrizminiń elshisi» mártebesi berilgen.
Tao Tao Qazaqstanǵa alǵash ret 2024 jyldyń qyrkúieginde kelgen. Osy ýaqyt ishinde ol Astana, Almaty qalalarynda, sondai-aq Aqmola, Almaty, Shyǵys Qazaqstan jáne Mańǵystaý oblystarynda bolyp, jalpy qaralymy 1 milliardtan asatyn 100-den astam kontent jariialaǵan.
Bul marapat blogerdiń zamanaýi tsifrlyq platformalar arqyly Qazaqstannyń mádenieti men týrizmin halyqaralyq deńgeide nasihattaýǵa qosqan úlesiniń joǵary baǵalanǵanyn kórsetedi.
