قىتايدىڭ گانسۋ پروۆينتسيياسىندا ٶتكەن ۋلترامارافون كەزٸندە اۋا رايىنىڭ قولايسىزدىعىنان قازا تاپقاندار سانى 20-عا جەتتٸ, تاعى بٸر ادام حابار-وشارسىز كەتتٸ. بۇل تۋرالى قىتايدىڭ ورتالىق تەلەۆيزيياسى مەلٸمدەدٸ, - دەپ حابارلايدى ريا نوۆوستي.
سەنبٸدە تاڭەرتەڭ بايين قالاسىنىڭ ماڭىندا تاۋلى جەرمەن 100 شاقىرىمعا جٷگٸرۋ باستالدى. سينحۋا اگەنتتٸگٸ سول كٷنٸ بۇرشاق جاۋىپ, مارافوننىڭ بيٸك تاۋلى كەزەڭٸ ٶتٸپ جاتقاندا قاتتى جەل سوعىپ كەتكەنٸن حابارلادى. كٷننٸڭ كٷرت سالقىنداۋنان قاتىسۋشىلار دا فيزيكالىق قولايسىزدىق سەزدٸ, دەنە قىزۋى تٶمەندەپ كەتتٸ. بيلٸك ٸزدەستٸرۋ-قۇتقارۋ وپەراتسيياسىنا 700 قۇتقارۋشىنى جۇمىلدىردى.
نۇر-سۇلتان ۋاقىتى بويىنشا ساعات 06.00-دەگٸ دەرەكتەرگە سەيكەس, قۇتقارۋشىلار 172 مارافون قاتىسۋشىسىنىڭ 151-ٸن تاۋىپ, ەۆاكۋاتسييالادى, ولاردىڭ 20-سى قايتىس بولعان, سەگٸز ادام جەڭٸل جاراقاتپەن اۋرۋحاناعا تٷستٸ, تاعى بٸر ادام جوعالىپ كەتتٸ, ونى ٸزدەستٸرۋ جالعاسىپ جاتىر.
