قىتايلىق Zhurong قۇرىلعىسىنىڭ مارستا تٷسٸرگەن سۋرەتتەرٸ جارييالاندى, - دەپ حابارلايدى Tengrinews.kz قىتايدىڭ ۇلتتىق عارىش باسقارماسى (CNSA) سايتىنا سٸلتەمە جاساپ.
سۋرەتتەردٸ مارستاعى "چجۋچجۋن" روۆەرٸنٸڭ بورت كامەرالارى تٷسٸرگەن. سۋرەتتەردٸڭ بٸرٸندە قونۋ مودۋلٸ مەن "چجۋرونگ" روۆەرٸنٸڭ اشىلعانى كٶرسەتٸلگەن.
وسىلايشا قىتاي كەڭەس وداعى مەن اقش-تان كەيٸن مارسقا زەرتتەۋ اپپاراتىن قوندىرعان ٷشٸنشٸ ەل بولدى.
"چجۋچجۋن" قۇرىلعىسىنىڭ سالماعى 240 كەلٸ. ول بٸرنەشە ناۆيگاتسييا جەنە شولۋ كامەراسى, سونداي-اق بەس عىلىمي قۇرالمەن جابدىقتالعان. ولاردىڭ كٶمەگٸمەن اپپارات قىزىل پلانەتانى, توپىراعىن جەنە مەتەورولوگييالىق جاعدايلارىن زەرتتەيدٸ. روۆەر پلانەتادا كەم دەگەندە 3 اي بولادى.
وربيتالىق مودۋل, قونۋ كاپسۋلاسى جەنە روۆەردەن تۇراتىن Tianwen-1 مارستى زەرتتەۋگە ارنالعان العاشقى قىتاي عارىش كەمەسٸ. ول 2020 جىلدىڭ 23 شٸلدەسٸندە حاينان ارالىنداعى ۆەنچان عارىش ايلاعىنان ۇشىرىلعان.
بۇعان دەيٸن قىتاي روۆەرٸ مارس بەتٸنە سەتتٸ قونعان بولاتىن.
