جەكسەنبٸ كٷنٸ بەيجٸڭ ۋاقىتىمەن ساعات 11:02-دەگٸ جاعداي بويىنشا, قىتايلىق عارىشكەرلەر ليۋ بومين مەن تان حۋنبو قىتايدىڭ «تيانحە» عارىش ستانساسى نەگٸزگٸ مودۋلٸنٸڭ توراپتىق كابيناسىنان اشىق عارىشقا شىقتى. بۇل تۋرالى سينحۋا اقپارات اگەنتتٸگٸ حابارلادى.
ليۋ بومين توراپتىق كابينا ليۋگٸنٸڭ ەسٸگٸن جەكسەنبٸ كٷنٸ ساعات تاڭعى 08:11-دە اشتى.
عارىشكەرلەر قىتايدا كەمەدەن تىس قىزمەتكە ارنالعان «فيايتيان» («عارىشقا ۇشۋ») دەپ اتالاتىن جاڭا ٷلگٸدەگٸ عارىش سكافاندرلارىن كيگەن. ليۋ بومين مەن تان حۋنبو اشىق عارىش كەڭٸستٸگٸندە بولىپ, بٸرقاتار مٸندەتتٸ ورىنداپ شىقتى.
ولار بٸرلەسٸپ مەحانيكالىق تەتٸكتٸڭ كٶمەگٸمەن عارىش ستانساسىنىڭ تيٸستٸ كەمەدەن تىس جابدىقتاردى قۇراستىرۋ جۇمىستارىن ورىنداۋىن جالعاستىرىپ كەلەدٸ.
ٷشٸنشٸ عارىشكەر نە حايشەن نەگٸزگٸ مودۋلدە قالىپ, ليۋ بومين مەن تان حۋنبوعا كەمەدەن تىس قىزمەتتٸ جٷزەگە اسىرۋعا كٶمەكتەستٸ.
