قىزىلوردا وبلىسىنىڭ ەكٸمٸ قىرىمبەك ەلەۋۇلى كٶشەرباەۆقا «باتىس قازاقستان وبلىسىنىڭ قۇرمەتتٸ ازاماتى» اتاعى تابىس ەتٸلدٸ. اتالمىش اتاقتى تابىس ەتۋ رەسٸمٸن قىزىلوردا وبلىستىق مەسليحاتىنىڭ كەزەكتەن تىس XX سەسسيياسىندا باتىس قازاقستان وبلىسى ەكٸمٸنٸڭ ورىنباسارى عابيدۋللا وسپانقۇلوۆ ورىندادى, دەپ حابارلايدى قازاقپارات تٸلشٸسٸ.
«قىرىمبەك ەلەۋۇلى باتىس قازاقستان وبلىسىندا ەكٸم قىزمەتٸن 2000-2003 جىلدارى اتقاردى. وسى جىلدار ٸشٸندە جٷزەگە اسقان يگٸلٸكتٸ ٸستەر جايىندا باتىس جۇرتى ساعىنىشپەن ايتقانىنا كۋەمٸز. قاشاندا اقجايىق جۇرتىنىڭ قىرىمبەك ەلەۋۇلىنا دەگەن ىستىق ىقىلاسى ەرەكشە», - دەدٸ باتىس قازاقستان وبلىسى ەكٸمٸنٸڭ ورىنباسارى ع. وسپانقۇلوۆ.
سول بٸر كەزەڭدە قىرىمبەك ەلەۋۇلى اقجايىق ٶڭٸرٸنە ينۆەستورلار تارتۋ, ٶڭٸردٸڭ ينفراقۇرىلىمىن دامىتۋ, ەلەۋمەتتٸك جاعدايىن كٶتەرۋ, وبلىس ورتالىعىنان باستاپ, الىس-جاقىن ەلدٸ مەكەندەردٸڭ جولىن جاڭارتۋ, گازبەن قامتاماسىز ەتۋ جۇمىستارىن اياقتاۋ سيياقتى كٷردەلٸ ٸستەردٸ اتقارۋعا ۇيىتقى بولدى. ٷش جىلدا ەربٸر اۋىلعا دەيٸن گاز تارتىلىپ, جەرگٸلٸكتٸ تۇرعىندار سول يگٸلٸكتٸ ٸستٸڭ شاراپاتىن بٷگٸنگٸ كٷنگە دەيٸن كٶرٸپ كەلەدٸ.
وسى ورايدا باتىس قازاقستان وبلىسىنىڭ ەكٸمٸ التاي كٶلگٸنوۆ قۇتتىقتاۋ حات جولداعان. وندا «وبلىستىڭ «قۇرمەتتٸ ازاماتى» اتانۋىڭىز - ٶڭٸرٸمٸزدە قالعان «كٶشەرباەۆ قولتاڭباسىنىڭ» قوعامدىق مويىندالۋى. جاڭا مىڭجىلدىقتىڭ باس كەزٸندە ورال ٶڭٸرٸنٸڭ گٷلدەنۋٸنە قوسقان ٷلەسٸڭٸز ٷشٸن سٸزگە ٶڭٸر تۇرعىندارىنىڭ اتىنان العىس بٸلدٸرەمٸن!» - دەپ جازىلعان.
باتىس قازاقستان وبلىسى ارداگەرلەر كەڭەسٸنٸڭ تٶراعاسى ابات ەسەنعاليەۆ سول جىلدارى بٶكەي ورداسى تاريحي كەشەنٸ, تەۋەلسٸزدٸك تاريحىندا جاڭادان تەاتر عيماراتىن سالۋ ٸسٸندە قىرىمبەك كٶشەرباەۆ زور ەڭبەك سٸڭٸرگەنٸن اتاپ ٶتتٸ. پەداگوگيكالىق ينستيتۋتقا ماحامبەتتٸڭ, اۋىلشارۋاشىلىعى ينستيتۋتىنا جەڭگٸر حاننىڭ ەسٸمدەرٸنٸڭ بەرٸلۋٸنە ۇيىتقى بولدى.
ٶز كەزەگٸندە, ايماق باسشىسى قىرىمبەك كٶشەرباەۆ باتىس قازاقستان وبلىسىنىڭ ازاماتتارىنا كٶرسەتكەن قۇرمەت پەن جۇمىسىنا بەرگەن باعا ٷشٸن العىسىن بٸلدٸردٸ.
