قىرعىزستاندا ٶتكەن تەۋلٸكتە 470 ادامنىڭ Covid ينفەكتسيياسىن جۇقتىرعانى انىقتالدى. ەلدە كوروناۆيرۋس اۋرۋىنا شالدىققانداردىڭ جالپى سانى 51 490-عا جەتتٸ. بۇل تۋرالى قىرعىزستاننىڭ كوروناۆيرۋسپەن كٷرەس جٶنٸندەگٸ رەسپۋبليكالىق شتابى حابارلادى.
كەيٸنگٸ اپتادا ينفەكتسييا جۇقتىرعانداردىڭ تەۋلٸكتٸك كٶرسەتكٸشٸ 1,5 ەسە ٶسكەن. ٶتكەن اپتانىڭ سەنبٸسٸندە 307 ناۋقاس انىقتالعان.
كەيٸنگٸ اپتادا كوروناۆيرۋس جۇقتىرعانى انىقتالعان ناۋقاستار سانى مىناداي:
10 قازان – 307
11 قازان – 306
12 قازان – 298
13 قازان – 343
14 قازان – 330
15 قازان – 388
16 قازان – 431
17 قازان – 470
كوروناۆيرۋستىڭ ٶرشۋٸ 4 قازاندا ٶتكەن جوگوركۋ كەڭەش سايلاۋىنان كەيٸنگٸ تولقۋمەن تۇسپا-تۇس كەلدٸ. كەلەسٸ كٷنٸ سايلاۋ نەتيجەسٸ شىعىپ, بيلٸككە جاقىن دەگەن پارتييالار جەڭٸمپاز اتانعاندا وپپوزيتسييالىق پارتييالار مەن ولاردىڭ جاقتاستارى داۋىس بەرۋ نەتيجەسٸ بۇرمالانعان دەپ نارازىلىققا شىقتى. 6 قازانعا قاراعان تٷنٸ دەمونسترانتتار پرەزيدەنت پەن پارلامەنت وتىراتىن «اق ٷي» رەزيدەنتسيياسىن باسىپ الىپ, تٷرمەدە جاتقان ساياساتكەرلەردٸ كٷشپەن بوساتىپ الدى. تولقۋدىڭ سوڭى ەل پرەزيدەنتٸ سوورونباي جەەنبەكوۆتٸڭ وتستاۆكاعا كەتۋٸنە ەكەلدٸ. ەلدٸ باسقارۋ مٸندەتٸن سايلاۋدان كەيٸنگٸ تولقۋ كەزٸندە جاقتاستارى تٷرمەدەن بوساتىپ العان سادىر جاپاروۆ اتقارىپ وتىر. مۇنىڭ الدىندا عانا ەل پارلامەنتٸ ونى پرەمەر-مينيستر ەتٸپ سايلاعان.
تولقۋ باستالاردىڭ الدىندا 4 قازان كٷنٸ ەلدە 207 كوروناۆيرۋس ناۋقاسى انىقتالعان. دجونس حوپكينس ۋنيۆەرسيتەتٸنٸڭ دەرەگٸنشە, ەلدە بارلىعى 51 مىڭ ادامنىڭ Covid ينفەكتسيياسىن جۇقتىرعانى راستالعان. قىرعىزستان 17 شٸلدەدەن باستاپ Covid پەن پتر تەستٸمەن راستالماعان كوروناۆيرۋس پنەۆمونيياسى دەرەكتەرٸن بٸرٸكتٸرٸپ ساناپ وتىر.
