قىرعىزستاندا 25 ناۋرىز 14:00-دەگٸ جاعداي بويىنشا 44 ادامنان كوروناۆيرۋس تابىلعان. بۇل تۋرالى ٷكٸمەت ٷيٸندەگٸ بريفينگتە قوعامدىق دەنساۋلىق ساقتاۋ باسقارماسىنىڭ باسشىسى اينۋرا اكماتوۆا ايتتى, دەپ حابارلايدى كابار.
ونىڭ ايتۋىنشا, كوروناۆيرۋس ينفەكتسيياسىن جۇقتىرۋدىڭ 2 جاڭا جاعدايى تٸركەلدٸ. بٸرٸ – 1960 جىلعى ەر ادام, بٸشكەك قالاسىندا. ول يسپانييادان كەلگەن ادامنان جۇقتىرىپ العان. ەكٸنشٸ جاعداي – 1985 جىلعى ەر ادام. شۋ وبلىسى مەسكەۋ اۋدانىنىڭ تۇرعىنى, ول 20 ناۋرىزدا دۋبايدان كەلگەن. سونداي-اق, ول يسپانييادان كەلگەن ادامنىڭ قايتا ۇشىپ كەتكەنٸن اتاپ ٶتتٸ.
«قازٸرگٸ ۋاقىتتا ەلدە 44 ادام كوروناۆيرۋسقا شالدىقتى, سونىڭ ٸشٸندە: وش وبلىسىندا - 22 جاعداي, دجالال-اباد وبلىسىندا – 19, بٸشكەكتە – 3, شۋ وبلىسىندا – 1, باتكەن وبلىسىندا – 1. بارلىعى - 44 جاعداي», - دەپ حابارلادى ا. اكماتوۆا.
