قىرعىزستاندا 30 شٸلدە كوروناۆيرۋس ينفەكتسيياسىنان قايتىس بولعانداردى ۇلتتىق ازا تۇتۋ كٷنٸ بولىپ جارييالانادى. بۇل تۋرالى قىرعىز رەسپۋبليكاسىنىڭ پرەزيدەنتٸ سوورونباي جەەنبەكوۆ «بيرينچي راديوعا» بەرگەن سۇحباتىندا مەلٸم ەتتٸ, دەپ حابارلايدى كابار اگەنتتٸگٸ.
«مەن بۇل تۋرالى ويلاپ جٷرگەن ەدٸم. ۋاقىتىنان ەرتە ايتقىم كەلمەگەن, بٸراق سول تۋرالى سٶز قوزعاعاننان كەيٸن ايتا كەتكەن جٶن دەپ ويلايمىن. 31 شٸلدە كٷنٸ بٸز قۇربان ايت مەرەكەسٸن تويلايمىز. ال 30 شٸلدە ەل بويىنشا ۇلتتىق ازا تۇتۋ كٷنٸ بولىپ جارييالانادى. سوعان سەيكەس جارلىق شىعادى», - دەدٸ سۇراقتارعا جاۋاپ بەرگەن جەەنبەكوۆ.
مەملەكەت باسشىسى قايتىس بولعان وتانداستارىنىڭ وتباسىنا كٶڭٸل ايتتى.
بٷگٸنگٸ كٷنٸ ەلدە 32 124 COVID-19 بەن پنەۆمونييا وقيعاسى تٸركەلگەن. ونىڭ ٸشٸندە 19 203 ناۋقاس جازىلىپ شىقسا, 1 249 ناۋقاس كٶز جۇمدى.
