Qyrǵyzstanda 30 shilde koronavirýs infektsiiasynan qaitys bolǵandardy Ulttyq aza tutý kúni bolyp jariialanady. Bul týraly Qyrǵyz respýblikasynyń prezidenti Sooronbai Jeenbekov «Birinchi radioǵa» bergen suhbatynda málim etti, dep habarlaidy Kabar agenttigi.
«Men bul týraly oilap júrgen edim. Ýaqytynan erte aitqym kelmegen, biraq sol týraly sóz qozǵaǵannan keiin aita ketken jón dep oilaimyn. 31 shilde kúni biz Qurban ait merekesin toilaimyz. Al 30 shilde el boiynsha Ulttyq aza tutý kúni bolyp jariialanady. Soǵan sáikes jarlyq shyǵady», - dedi suraqtarǵa jaýap bergen Jeenbekov.
Memleket basshysy qaitys bolǵan otandastarynyń otbasyna kóńil aitty.
Búgingi kúni elde 32 124 COVID-19 ben pnevmoniia oqiǵasy tirkelgen. Onyń ishinde 19 203 naýqas jazylyp shyqsa, 1 249 naýqas kóz jumdy.
