قىرعىزستان ورتالىق سايلاۋ كوميسسيياسى جوگوركۋ كەنەش سايلاۋىنا قاتىسقالى وتىرعان 21 پارتييانىڭ اتى سايلاۋ بيۋللەتەنٸنە نەشٸنشٸ نٶمٸرمەن جازىلاتىنىن جەرەبە تاستاپ, تٸكەلەي ەفيردە انىقتادى.
بۇعان دەيٸن ورتالىق سايلاۋ كوميسسيياسى بٸر مانداتتى وكرۋگتەن سايلاۋعا تٷسەتٸن 321 كانديدات تٸركەلگەنٸ حابارلانعان.
قىرعىزستاندا جوگوركۋ كەنەش سايلاۋى 28 قاراشادا ٶتەدٸ. سايلاۋ الدىنداعى ٷگٸت-ناسيحات 29 قازاندا باستالعان.
قىرعىزستان پرەزيدەنتٸ سادىر جاپاروۆ بيىل تامىزدا "قىرعىز رەسپۋبليكاسىنىڭ پررەزيدەنتٸن سايلاۋ جەنە قىرعىز رەسپۋبليكاسى جوگوركۋ كەنەشٸنٸڭ دەپۋتاتتارىن سايلاۋ تۋرالى" زاڭدى ٶزگەرتكەن.
بۇرىن پارتييالىق جٷيە بويىنشا سايلانىپ كەلگەن جوگوركۋ كەنەش وسى ٶزگەرٸستەن كەيٸن ارالاس سايلاۋ جٷيەسٸ بويىنشا سايلانادى.
پارلامەنتتٸڭ جاڭا قۇرامىندا 90 دەپۋتات بولادى. ونىڭ 54-ٸ پروپورتسيونالدى جٷيە (ساياسي پارتييالاردىڭ كانديداتتارى), 36-سى ماجوريتارلى جٷيە (بٸر وكرۋگتەن بٸر ماندات) بويىنشا سايلانادى.
