قىرعىزستان قازاقستانداعى "شۇباركٶل" كەنٸشٸنەن كٶبٸرەك كٶمٸر تاسىمالدايتىن بولادى. بۇل جٶنٸندە قىرعىزستاننىڭ مونوپولييانى رەتتەۋ اگەنتتٸگٸ حابارلادى, دەپ جازادى ازاتتىق.
مەكەمە باسپاسٶز قىزمەتٸنٸڭ حابارلاۋىنشا, جاقىن كٷندەرٸ قىرعىزستانعا 247 ۆاگون كٶمٸر جەتكٸزٸلەدٸ. بيلٸك كٶمٸردٸ حالىققا تونناسىن 4 مىڭ 600 سومنان (23,4 مىڭ تەڭگە نەمەسە 54 دوللار) ارتىق ساتپاۋعا ۋەدە بەرٸپ وتىر.
قازاقستاندىق كٶمٸر بٸشكەك, شۋ وبلىسىنىڭ شوپوكوۆ, قايىڭدى, توقماق جەنە قانت قالالارىندا ساتىلاتىن بولادى.
قىرعىزستاندا سۋىق تٷسكەلٸ بەرٸ كٶمٸر تاپشىلىعى بايقالىپ جاتىر. ونىڭ ٷستٸنە بىلتىرعى جىلمەن سالىستىرعاندا كٶمٸر باعاسى 20% قىمباتتاعان.
16 قاراشادا پرەزيدەنت سادىر جاپاروۆ تونناسى 3 مىڭ سومنان اسپايتىن كٶمٸر ساتاتىن ورىندار اشۋدى تاپسىرعان. بٸراق بۇل ۇزىن-سونار كەزەك تۋعىزىپ, ەربٸر ساتىپ الۋشىعا ەكٸ توننادان ارتىق كٶمٸر بەرمەيتٸن بولدى.
